قصيدة: لا تقول مدهون سيرك <{ لا تقول مدهون سيرك }> شفت الزين اضحويه سألته مجهول الهويه واشهد إن عينه قويه وترمي خطير السهام هرج ويازين اهروجه ويقول الحلا منتوجه واحلا الأبراج ابروجه مكتوب عليها السلام كشف غطاه واعذابي شعر مدلهم السحابي والوجه نوره سطابي خشمه سيف استقام آه من حمر الشفايف البرد خلفها له شايف كنك بأحلى المصايف ثلوجها خاص لا عام نجلا عيون ياعيوني بسحر الهوى جنوني بإسمي لا لا تدعوني اتيه في بحر الغرام الوجنات ورد طائفي ودي المسه وخايفي اكره مايكون عايفي لا يحرق الورد حرام والعنق دون الطويل عليه الشكل الجميل عقد لؤلؤ ماله مثيل سبحان ربي العلام والصدر بستان تحلا شايل لرمانتين تسلا من شوفتهن ما تملا لونه كما البدر التمام والخصر قوس نحيل أخضر القلب له يميل ما عاش بظل النخيل عايش بقصر الأحلام مدموج ساقين ريان يحفظه ربي الرحمن هذا يقال عنه إجنان متفرد بحسن الكلام كالحمام مشيه بهون صاب العاشق جنون يخلي العاقل مفتون سحر الهوى به قوام يالايمي فيه لا لتلوم ادعي عليك ما تقوم وتعيش دوم محروم هذا جزاء من لي لام صحت وينك ياخلي آه عليك دمعي يهلي وليه غايب ما تطلي وترفرف علي الحمام لا لا تخطفني حمامه تقول لي مع السلامه وتعيش عيشة ندامه الفرقا أذى في المنام ممكن يجبرني غيرك لطار من يديك طيرك لاتقول مدهون سيرك الله كريم يكرم الكرام لا ماودي الهرج يطول أنا رجل يتبع الأصول أريد اقطف المحصول قبل العمر يقضي تمام الشاعر/ حمد بن فهد المخالده السبيعي |
ضحوية العيد كل الصبايا مزايين هوع هع صح لسانك ياحمد طرق جديد وفريد |
اقتباس:
أسعدني مرورك العذب يسعدك ربي سعادة لا حد لها دين ودنيا وآخرة. أخوك/ حمدفهد |
ابداع وتميز حروف تشع بالنور:MonTaseR_1: |
صح لسانك ابو فهد |
خبري بك شايب رزين ماعرفت ان خد. الزين خلاك ترجع ....عشرين عام ومعهم عشر اعوام بالله لاتزعل..... يالعود وخلك دوم علينا .جود اليا شفت السكر معقود وخلي قلبك ...مستهام هالطاروق علينا جديد ياشاعرنا جبت.. العيد جبته من غير مواعيد رفقا بطيور.... الحمام يانبراس الحرف وينك لاتعتب على .محبينك جيت انا كرمال عينك لك مني تحية. وسلام نبراس الحرف حمد الفهد طرق جديد علينا يغالي خابرك شاعر حكم ومواعظ المهم مارح تخلص مني بعد هالمعلقه الغزليه صح لسانك ملايين وخلك هيك على طول |
شايبنا قلبه خظر:16: صح لسااانك ملاااييين ابوفهد وصح لسانك احلااام عابره |
اقتباس:
أخوك/ حمدفهد |
اقتباس:
أخوك/ حمدفهد |
اقتباس:
رد الشاعر/ حمد بن فهد المخالده السبيعي هذا صدق وإلا تمزحين أحلام بقولك لا تفتنين ولقلب الشاعر اتفرحين قلتي عمره ثلاثين عام بيني وبين الزعل حدود واداري من نفسه تجود واليا شفت السكر أجود أنظم أبيات حب وغرام تدفق منك عذب النشيد وهيضتي الشاعر العنيد يانبع الوفا شبه العضيد أهديك التحية والسلام التفتي يمك نور عينك يزين الحرف من زينك نورتينا تسلم لنا يدينك وصلوا على رفيع المقام الشاعر/ حمد بن فهد المخالده السبيعي أختي الكريمة الغالية احلام عابره صح لسانك وسلمت يداك الوضاءة وقلبك الطاهر يحفظك ربي. |
:MonTaseR_213: اقتباس:
أخوك/ حمدفهد |
الساعة الآن 08:12 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا