لايمكن ان تستمر الحياة بدون الاحترام
لانه تناقض واضح وصريح
كيف تحب شخص وتجعله متبهدل او تعيس او حزين
وين الحب؟!
الزوجة لمن تصبر على الزوج رغم ظروفه ويجي يذلها هنا يخليها تكره نفسها وتكره اليوم اللي ارتبطت فيه
ايش يعني ان المرة تتحمل قسوته بسبب نصائح من بعض الأصدقاء ان الرجولة مقرونة بالقسوة وتحمير العين؟!
او بعض أهل الزوج يخببون الزوج على زوجته ويسوون مشاكل بينهم ويخربون علاقتهم مع بعض وعندهم أولاد
ايش يبون؟! يخربون بيوت

احنا في زمن المرأة لها حقوق والدولة اعطتها كرامتها اكثر من بعض الازواج او بعض الاخوان بلا ذل ولا بهدلة
مع اني ضد الحرية المفتوحة.. وضد اسقاط الولاية..
بس اللي نشوفه من تنمر على المرأة من أشباه الرجال شئ مزعج ويسبب مضايقات للنساء
والرسول صلى الله عليه وسلّم يقول
"ماأكرمهن الا كريم وماأهانهن الا لئيم"
انا استغرب انو الرجل قبل الزواج يكون مستميت على الزواج
وبعد الزواج يدور مشاكل ويستقوي على هالزوجة ويستغل ضعفها وحاجتها طيب وين الحب والحنان اللي كان؟!
وين المودة والرحمة؟!
الفتن زادت والعيون ضاقت والقلوب ضاقت
والقناعة والرضا اختفت
وبعض الرجال مايملا عينهم شئ مهما المرة سوت
اصبحوا متطلبين وناكرين للعشرة وعند أصغر مشكلة او لمن تتعب المرة ابسطها مع فترة الدورة الشهرية اللي المرة فيها تكون في أضعف حالتها والله سبحانه أسقط عنها الصلاة والصوم رحمة بها يجي بعض الذكور او اشباه الرجال يتنمر عليها في هالمرحلة!!
والمشكلة انو المفروض يرحمها ويتعود على وضعها لانو كل شهر، موب بيدها غصب عنها، ولكن الشكوى لله من قسوة قلوبهم، والله يرحمنا برحمته الواسعة ويغنينا بفضله عمن سواه،
الغالب يكون عنده علاقات قبل الزواج ويعيش قصص حب وهمية ولايتزوج اي وحدة من أصحاب العلاقات اللي عرفهم
ويتزوج وحدة مايعرفها اما باختياره او اختيار الأهل
وينكد عليها يعني مايتزوج اللي يحبها ولايحب اللي تزوجها
وهذا قمة التناقض، والمزعج انو بعد الزواج يحن للعلاقات اللي كانت قبل الزواج، وهنا تضيع الزوجة مع اسم زوج تعيش معه بدون مودة ولارحمة ولاروح يكون جاف وقاسي ويتغذى على مشاعر وهمية غير حقيقية..
والحمل والمسؤوليات تزيد على المرأة وهو في عالم ثاني او في وادي ثاني مب حولها
شكرا على طرح الموضوع والله يصلح أحوال المسلمين