قال الله تعالى في سورة الذاريات : وَفِي السَّمَاءِ رِزْقُكُمْ وَمَا تُوعَدُونَ [الذاريات:22]

من الذكريات الحلوه ان في عام 2017 كنت انقبلت في برنامج من برامج تأهيل خريجات كلية العلوم في التخصصات الطبية كنا انا و صحبتي نرجع في باص مع موظفات وطبعا لأن البرنامج تنافسي وكل وحده فينا كانت حابه تعطي انطباع عن جديتها وانظباطها وخلافه ف كنا نطلع الباص ونجلس نتكلم انا وصحبتي عن مخاوفنا وهمومنا والمشاكل اللى ب نواجهها وايش مممكن يكون مصيرنا و وين ممكن راح نتعين هل في نفس المستشفى او مستشفيات ثانيه حسب الاحتياج ودرجاتنا في التقييم والامتحانات ف كانت في موظفه صيدلانيه دايما تجبر ب خاطرنا وكل مره كانت تقول لا تشيلو هم لكم رب العالمين وتقول الايه قول الله تعالى وَفِي السَّمَاءِ رِزْقُكُمْ وَمَا تُوعَدُونَ) والحمد لله بعد سنه من تخرجنا من البرنامج كل الدفعه اتوظفت في اماكن مختلفه والحمد لله اتخرجت من البرنامج في 2018 واتعينت اواخر 2019
ودايما كلام الصيدلانيه في بالي وماغابب عن بالي ابدا الله يذكرها بالخير ويحقق لها احلامها و احلام كل شخص يجبر بخاطر اي احد وعاد تصدقو حاليا احمد الله مليون مره انه ما اتعينت ب نفس المستشفي اللى اتدربت فيه

لكم وحشه يا طيبين انقطعت مده
هو من ال Staff shortage.
ولا من القولون العصبي
ولا من الانفلونزا الحمد لله
قبل 3 اسابيع رحت الطوارئ وانا معايا اعراض وشبه مقتنعه وعلي بالي معايا تسمم ولا نزله معويه بعد اكل اكلته
وطلع قولون عصبي الحمد لله ارتحت بالمسكنات و بعدها علي طول الانفلونزا
والله شي غريب ملاحظه تقريبا الكل في جده تعبان ومريض او متعافي من مرض ههههههه
وعدنا والعود أحمد

قَالَ النَّبِيَّ -صَلَّى اللَّهُ عَلَيْهِ وَسَلَّمَ-: « مَنْ أَصْبَحَ مِنْكُمْ آمِنًا فِي سِرْبِهِ مُعَافًى فِي جَسَدِهِ عِنْدَهُ قُوتُ يَوْمِهِ فَكَأَنَّمَا حِيزَتْ لَهُ الدُّنْيَا بِحَذَافِيرِهَا»