|
ּڞــحۡــک ۏڵــ؏ــب ̨ﯡچۚــد ﯡحۡــب خير ما يبدأ به الكلام هو تحية الأسلام السلام عليكم ورحمة الله وبركاته اما بعد أحبتي الكرام أسعد الله أوقاتكم بكل خير وأحب افتتح معاكم ٣ مدونه لي في عالم المنتديات ترددت كثيراً في أختيار عنوان ابروز فيه مدونتي المتواضعه ففكرت أن المحتوي الذي سأقدمه لكم محتوي عفوي عن يومياتي، تجاربي، افراحي، احزاني بقلم ساخر فما وجدت أجمل من هذا العنوان ف جميعنا عباره عن حكايات حكايات ضحك ولعب وجد وحب ١٢/١٠/١٤٤٣ ١٣/٥/٢٠٢٢ الساعه ١١:٢٦ بتوقيت السعودية |
قبل ما اقرر بشكل نهائي اختيار عنوان المدونه طبعا انتم عارفين أن ضحك ولعب وجد وحب أغنيه خفيفه لطيفه ل العندليب الاسمر عبدالحليم حافظ الله يرحمه في فيلم يوم من عمري بالاضافه ل عنوان فيلم سينمائي ل عمرو دياب ويسرا وتفاجأت اليوم لما كتبت العنوان في خانة البحث ل قوقل ان عنوان مدونتي عنوان كمان لكتاب من تأليف لينا النابلسي أطلعت علي الملخص وشعرت أن المؤلفه حابه توصل نفس الشعور اللى حتي أنا حابه اوصله لكم وقلت بس يا رشرش متتردديش اكتر من كده . . . يا ترا نبتدي منين الحكايه؟ |
ابدا لكم من ذكريات الطفوله المضحكه كنت وانا طفله صغيره بعمل بوسترات أفلام ليه مااعرف فعلا كنت احب اكتب اسم الفيلم والممثلين واشخبط شخابيط طفوليه واعلقها علي باب الاسانسير للعماره المضحك ان اغلب سكان العماره اصلا ماعندهم دش ولا يتفرجو ولايهتمو بالافلام وملتزمين وانا طالعه لهم بأعلاناتي وانا عارفه كويس انه حتهزاء حتهزاء اذا كفشوني اهلى بالجرم لكن المهم عندي اطلع الطاقات الابداعيه وفعلا إستمريت لحد ما مسكني اخويا:xss: وانتهت الموهبه الصاعده |
اشكر زوار مدونتي المتواضعه سعيده بكم وبتقييمكم واللايك ويارب تجمعنا معاكم دايما أوقات حلوه :نبض: |
السلام عليكم ورحمة الله وبركاته وأسعد الله اوقاتكم بكل خير وجمعه عامره بالطاعات والدعاء و الجمعات بين الاهل والاحباب اليوم حكايتي لا لعب ولا جد ولا حب حكاية حلطمه وانا اكره ماعندي التذمر و الحلطمه بس خلاص ابغا اطلع اللى في خاطري الحمد لله هذه ثاني جمعه انعزل فيها انا واسرتي عن امى :( بنتي الصغيره قصت شريط الافتتاح مرضت ومن بعدها كل يومين واحد فينا مريض بعدها اخوها وبعدها ابوهم وبعدها بنتي الكبيره بس باقي انا و ولدي الكبير وشكله والله اعلم جاني الدور امس الم بالظهر و العضلات واليوم نفس الالم زياده كمان صداع ومعصبه لان مع التعب شغل البيت حيتراكم علي واحس جسمي يرجف بس بدون سخونه واخذت مسكن و شربت قهوه حتي كمان متضايقه انه احتمال ماراح اقدر اعمل رياضه وحشتني امي و وحشني حظنها واختي الكبيره يارب لك الحمد والشكر كما ينبغى لجلال وجهك وعظيم سلطانك الحمد لله انها حاجه بسيطه شوية زكام او انفلونزا تبين لك كيف أن الصحه نعمه عظيمه الله لا يحرمنا منها |
همس وعطاء جزاكم الله خير ومشكورين ربي يسعدكم امس عدا علي يوم صعب اخذت مسكن وعملت لي شوربة عدس وشربتها و ارتحت راحه تامه و الحمد لله صحيت اليوم احسن بكثير انتبهو ل أنفسكم وحصنو نفسكم و احبابكم بالذكر والتغذيه الصحيه |
| الساعة الآن 07:29 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا