السلام عليكم ورحمة الله

بداية أنا والله ترددت كثير في كتابة رد،، ولكني بالأخير توكلت على الله وإن شاء الله يكون ردي في محله وما أجيب العيد ..

وسبب ترددي إني أدري الي راح أكتبه ما هو الا "وجهة نظر" ووجهات النظر عند الناس تختلف فتحتمل الخطأ وتحتمل الصواب

عشان كذا ليه ما تروح لمختص؟؟ يعني أغلب الي راح تتلقاه هنا ما هو إلا دعم معنوي أو وجهات نظر،، وما أقول ان الدعم المعنوي غير مفيد أو غير ضروري لا طبعا الدعم المعنوي ضروري لكل إنسان ولكن إلى متى؟؟

يعني الدعم المعنوي هذا محتاج انه يكون متبوع بخطوات عملية مدروسة ،، محتاج أحد يقولك واحد واثنين وثلاثة يعطيك نقاط عملية تبدأ بتطبيقها ،، لا تشوش تفكيرك وتشتته وبدال ما تاخذ شوي من هنا وشوي من هنا وتقعد تجمعهن في راسك تروح لإنسان نصيحته ما راح تكون مجرد وطهة نظر أو تعليق عابر لا ماراح يتكلم الا في صلب تخصصه ولا راح يمل منك ومن المحاولة معك ولا راح يستصغر مشاكلك حيتقبلك ويحاول ويبقى معك لين توصل

فلو انك تستغل وقتك في السؤال عن طبيب مختص راعي علم ودين ثقة فأظن حيكون أحسن كثيير ..


نصحتين على الهامش ،، ان بغبت أخذتهم وإن بغيت تركتهم ..

الأولى: لا تشغل نفسك ووقتك وتفكيرك وتصب كل جهدك في إنك تثبت لأهلك انك انسان عاقل ويكون كل همك وهدفك،، الي ما يبي يقتنع ماراح يقتنع،، الكفار ما آمنوا بمعجزات إلهية!! فخليها للوقت ،، إنجازاتك ونجاحك في حياتك راح يثبت لهم من غير لا تدري ومن غير لا تشيل هم اقناعهم ،، فقط كمل حياتك وابحث عن الانجاز تلو الانجاز ..

الثانية: كون مجتمع جديد وتعرف على ناس جديدة بروحك الجديدة ناس يتقبلونك كما انت ،، ما اقول اقطع اهلك ،، لا طبعا اوصلهم وبرهم ولكن برهم لا يقتضي الدوران في حلقتهم،، لا تجلس تدور عنك فيهم وتبقى طول حياتك حبيس علاقات محدودة مع اهل واقارب وجيران ،، تكوين علاقات جديدة جميل جدا ،، يمكن يكون صعب شوي وطريقه طويلة شوي لان لازم يكون اختيارك صحيح لكن اذا لقيت الناس الصح صدقني راح يكونون عون كبير لك بعد الله سبحانه ..