تم بعون الله تعالي الانتهاء من مرحلة التصويت وتم أغلاق الاستطلاع اليا
بشكر كل الأعضاء الكرام يلي شاركو وصوتو لرسامينا المبدعين
يعطيكم الف عافيه ,, بالتوفيق لكم ولنجومنا المشتركين

والف الف مبروك لكل نجومنا المشتركين
نشالله رح اكرمهم وامنح لهم جوايزهم وشهاداتهم مع الحفل الختامي للمسابقة
وهم بيستاهلو أحلى واغلى تكريم لما بذلوه من مجهود واتحفونا بروائع من فن الرسم الراقي
دمتم ودام تألقكم وبهائكم وأبداعكم ... موعدنا في الحفل الختامي

وعليك السلام اخي جار القمر ومساك اسعد
تكرم عينك انا رح بخبرك
انتو الأربعة كلكم فائزين وكلكم رابحين للجوايز وشهادات المراكز
المركز الأول للاخ (علي) بــ 11 أصوات
المركز الثاني الأخت (لقاء الأرواح) بـــ 8 أصوات
والمركز الثالث لرابحين أثنين ربحو صوتين 2 وهم جنابك (جار القمر) والأخت (سماء)
والمركز الرابع باقي معلق !!

أعلان النتائج من أسهل مايمكن أذا كان عندك معلومات اكيدة وحاسمة
بس انا كان لازم انطر السيد المدير حتى يبلغني بالتقرير النهائي أذا الأصوات الــ 23 كلن
هني أصوات حقيقية وسليمة ومافيهم أي مخالفة لشروط المسابقة او فيهن أصوات ملغية ؟؟
وجنابو وقت اغلاق الاستطلاع مكان موجود ,, لهيك كان لازم انطر تقريرو واليوم تأكدت

وكمان لآنو المركز الرابع شاغر ومعلق ,, كان عندي فكرة واقتراح مميز لهيك استشرت السيد المدير
والسيد المدير طلع هو كمان عندو نفس الفكرة ووافق عليها
لهيك كان لازم أتاكد من كلشي يلا اعلن عن النتائج ومصير المركز العالق
يلي بأذن الله بعد شوي رح أعلنو لالكم

وبخصوص اعلان الجوايز ,,, هيدي كمان من اسهل مايمكن وأكيد هيدا حقكم بجدارة
بس اذا انا أعلنت عن كلشي هلآ وبهيدا الموضوع وبهيدا التوقيت
فــ رح احروق وانزع أهمية ودور ختام المسابقة والحفل الختامي الخاص يلي جهزتها للمشتركين
لانهم اجتهدو كل هالاسابيع وبيستاهلو احلى حفل تتويجي (وجنابك من ضمنهم)
لهيك كل شي بتوقيتو حلو ونشالله تعجبكم

عموما بشكرك لحرصك واهتمامك وبدي اطمنك انو هيدا شغلي وواجبي كمنظمة ومسؤلة المسابقات
واني بعرف شغلي مزبوط وبعرف شو هو المطلوب وشو هو المفروض وانا حريصة انجز مهمتي على أتم وجه
بس للأعلان النتائج + ولتأكيد وتثبيت الأصوات + اعتماد أي فكرة جديدة
مرح يتم الا بعد المشاورة و اخذ الموافقة من السيد المدير يلي هو اكتر شخص حريص ع راحة ونجاح وفائدة
رواد المنتدى متل ماهو حريص لنجاح وتقدم وتطور المنتدى

نتائج الأستطلاع بكل تفاصيلها :-

لمعرفة الجدول الكامل للأستطلاع مع عدد وأسامي المصوتين ولمين صوتو رح بعرضها لالكم
مشاهدة نتائج الإستطلاع
https://www.al2la.com/vb/p175.html

مشاهدة نتائج الإستطلاع: صوت لأكثـر مشاركـة نالت أعجابـك !!
هذا الإستطلاع سيغلق في 05-29-22 الساعة 12:04 AM

المشاركة الآولى لرسامتنا المبدعه // سمـــآآآآء
M.ahmad, علـي
2 آصوات = صاحبة المركز الثالث
8.70%

المشاركة الثانية لرسامتنا المبدعه // لـقـــاء الأرواح
أمَل, مِيهاف, جــنـان, شموخ أسد, شاهد عيان, فيولا, وهـم الذكــريات, كاروخ
8 آصوات = صاحبة المركز الثاني
34.78%

المشاركة الثالثة لرسامنا المبدع // علـــي
أم الرجال, لقاء الأرواح, BlueCocktail, الفيفي2017, بانه, جار القمر, جيت, خفوق الروح, رجاء, سُكّر., عطاء دائم
11 آصوات = صاحب المركز الأول
47.83%

المشاركة الرابعة لرسامنا المبدع // جـار القمــر
أعد النجوم, طاغي النظرة
2 آصوات = صاحب المركز الثالث
8.70%

المصوتون: 23.

ملاحظة //
تم تبليغي من قبل السيد المدير وتأكيد التصويت بأنو جميع الأصوات الـــ 23 كلهم حقيقية وسليمة

آعــلام وآعـــلان هــام جـــدا

آخواتي وآخواني الكرام أسعد الله اوقاتكم جميعا
بمناسبة أنتهاء زمن المسابقة الأصلي وآنتهاء مرحلة التصويت الآول
للمشاركين الأربعة في مسابقة (رسام المنتدى) , حابة أعلن عن النتائج وهي كالتالي :-
المركز الأول // علي
المركز الثاني // لقاء الأرواح
المركز الثالث // سماء + جار القمر
اما المركز الرابع فــ بقيت عالقة ... !!

وبناءا على رغبتنا وحرصنا على مشاركة رواد منتدانا الموهوبين والمحترفين والهاويين في مجال الرسم
ولآنو أغلب هالرواد ماقدرو يشاركو في زمن المسابقة الأصلي وطلبو التمديد
لهيك قررنا تمديد زمن المسابقة بــ زمن إضافي مدتو (14 أيام)
بلشت من يوم 26 مايو ورح تنتهي نشالله يوم 8 يونيو

لحديت هلآ مرقو 4 أيام وباقي 10 أيام ... وخلال هالأيام الــ 10
يسعدنا أنضمام المشاركين الجدد للمسابقة بنفس شروط المسابقة الاصلية
(تقديم لوحة عن الطبيعة + بوتريه عن أشخاص) ويكونو ملونين ولو جزئيا
هالمشاركين الجدد الكرام رح يربحو :-

1- جائزة الاشتراك= أضافة 700 مشاركة لرصيد مشاركاتهم (أذا كانت لوحاتهم مستوفية الشروط)
2- تمييز وتخصيص لوحاتهم بــ (أختام وتقاييم النجوم) خلال زمن المسابقة الإضافي الــ 10
3- يتم ذكر أساميهم وتكريمهم في الحفل الختامي مع الأربعة آوائل ورابحي المسابقة
4- جائزة وشهادة المركز الرابع ... رح تكون فرصة ثمينة للتنافس عليها من قبل المشاركين
ورح تكون من نصيب الفائز بأكثر الأصوات في التصويت الثاني من الأعضاء الجدد المشاركين
في الزمن الإضافي لآن سيتم عمل تصويت ثاني بيناتهم بمشاركة رواد منتدانا الاعزاء

لهيك أستغلو هيدي الفرصة الذهبية للأشتراك ولآنضمام لنجومنا ولعرض لوحاتكم وفرجونا مواهبكم
وهيدي الفرصة الماسية لنيل جائزة وشهادة المركز الرابع
وبالتوفيق للجميع