05-26-22, 10:21 PM
| #1 | |||||||||
 
| 
كعبول ياعيال الذين طلعتم متبطحين في هذا المنتدى ... المهم القصة ومافيها اني فتحت قوقل وطلعلي هذا المنتدى .. وقلت بيني وبين نفسي خلني أسجل فيه ...عشان أتسلى لا أقل ولا أكثر ... طبعاً سجلت فيه بدون ما أدخل أي قسم ...وللأمانة بس دخلت موضوع لعضو عنده مشكلة مع النمل ... لكن المفاجأة لي اني بعد ماسجلت في المنتدى لقيت هنا أعضاء أعرفهم في منتدى كنت مسجل فيه ....طبعًا ماكلمتهم ....لكن عرفتهم ... المهم مممممممممم ماعندي هالحين شي على بالي أقوله ....لأني لسا مابعد أخذت على المنتدى .....مثل الشخص اللي يدخل على ناس في عزومة ...وفقط جالس يقولهم ( كيف حالكم ..وش لونكم..و..الخ.. ) ... وتلقاه جالس في المجلس يراقب الوضع ويشرب قهوة ... فنجال قهوة رايح وفنجال جاي ..ماهو داري عن طعمها ولا يدري كم فنجال شرب ....لأنه ملخبط فوق تحت ومايعرف أحد إلا صاحب العزومة ....وطبعاً صاحب العزومة ماهو فاضي له عشان يدق حنك معه .... وعلى طاري العزايم .....الواحد يوم يروح لعزومة ومايعرف أحد فيها ....تلقى راسه يلف زي الرادار...يراقب الداخل والخارج ....ويتفصفص جدران المجلس ونوعية المكيف وطول المجلس وعرضه وارتفاعه ..و..الخ .... لا وبعد كمان تلقاه يمسح الجدار اللي متكي عليه عشان يشوف التلييس ويشوف كيف البويا لمعة ولا نص لمعة خشنةو لا ناعمة ... وبرضه تلقاه يراقب الورعان ( الأطفال ) ..يشوف اللي مطلع راسه مع باب المجلس وينادي أبوه .. واللي يصيح في الحوش .....وممكن يسمع صوت حرمة جالسة تهاوش ولدها عند الباب الخارجي ....بمعنى آخر اللي مايعرف أحد في العزومة تلقاه ملم ومراقب كل مايحدث في المجلس ومايحدث في محيطه من أصوات وغيرها ... ................... | |||||||||
|
التعديل الأخير تم بواسطة الخواف ; 05-26-22 الساعة 10:33 PM |
| مواقع النشر (المفضلة) |
| |
 | أصدقاء منتدى مسك الغلا | | |||||
5Likes
