|
مفيش حاجة اسمها ( جيل الطيبين ) .....كل مافي الأمر انهم كانوا ناس قليلين ...والجرايم على قدهم ... وحاليًا كثافة سكانية رهيبة وبكذا تكثر الجرايم بجميع أنواعها.... يعني الشغلة كلها نسبة وتناسب على حسب الكثافة السكانية ...وعلى حسب توفر الوسائل المساعدة على ذلك ... .... |
بعض الأعضاء يذكروني بشخصيات ( كرتونية ) ..طبعًا في مدوناتهم ...مثلًا : نجمة = فلونة أحمد22 = االدكتور آمون للي في مسلسل قرندايزر .. أريام = هنتارو رومااانس = سلفر صعفق = قراي اللي في جزيرة الكنز إشراق! = آنسة منشن بدر = بيتر شطرنج = علَّام اللي مسلسل عدنان ولينا أمل = سنفور مفكر اللي في مسلسل السنافر رايق = روبنسون سحايب شمالية = ماريا سهيل = باقيرا مسكك الغلا = ( آنا ) المدير : سموليت مولانا : كوجي همس : سنان eve = كلير ...... .... |
بعض الناس يتكلم في المجالس أو مع أصحابه عن أيامه أيام زمان ... بداية من يوم كان عمره سبع سنوات إلى سبعطعشر سنة ... فـ تلقاه يتكلم عن تلك المرحلة من عمره عن مشاكله مع الجيران ومع فلان وعلان وبرضه يتكلم عن البلاوي اللي كان يسويها وكلها أذى في أذى ...وكأنه يتكلم عن بطولاته ..!!..لا وبعد كمان يسولف بها وهو يضحك ....!! طيب كيف تضحك وتتجاهل الخساير والأضرار المادية والجسدية اللي سويتها في الناس .... وبرضه مافكرت في دعوات الناس اللي آذيتهم وبهذلتهم بـ صياعتك وخستك وقلة أدبك .... يا أخي من المفروض الأضرار المادية اللي سويتها لازم تعوض أصحابها ...يعني مثلًا إذا كسرت قزار سيارة جيرانكم أيام صياعتك ...من المفروض تروح لصاحب السيارة في وقتك الحاضر وتدفع له قيمة القزاز ...بدل ماتجلس تسوي فيها سلطان مجلس بذكر بلاويك اللي كنت تسويها ... أنا عن نفسي أستحقر الرجل يوم يتكلم في المجالس عن الأضرار اللي كان يسويها في بداية شبابه ...ومايدري كم من الدعوات اللي جت على راسه ..!! وممكن النكبات اللي جاته مستقبلًا في حياته أو عدم توفيقه في بعض الأمور هو بسبب دعواتهم عليه .. ......... |
أحس اني تحمست في الخطبة اللي فوق .... بس أحسن عشان يسددون العم ( صالح ) راعي البقالة ..اللي كانوا يشترون منه بـ ريال ويسرقون بقيمة ريالين .. |
من وجهة نظري شايف ان الضيافة أصبحت عند الناس هم وغم وكآبة وقرف وتعب وكل شي .... لأنه مش معقول حالة الاستنفار اللي تحصل في البيوت يوم يجيهم خبر ان فيه ناس راح يزورونهم ..!! فعلًا شي مقرف ولا يطاق الشي اللي حنا شايفينه عند كثير من الناس ..!!.. فـ تجد الرجل رايح جاي يجيب أغراض ...والحرمة وبناتها كأنهم جنود في الجبهة .... وتلقى الحرمة...الروب اللي لابسته قالبته منشفة بدون ماتحس بنفسها.. لأنها طول وقتها تمسح الماء اللي في يدها أو غيره في الروب.....من شدة التوتر والقلق اللي عايشته ... وبناتها في البيت زي صوص الدجاج المنفلت في الشارع .. يعني كل البيت رايح ربكة ولخبطة وشيل وحط ..... أنا عن نفسي في وقتنا الحاضر أكره اني أزور أحد .....لأن لسان حال تصرفاتهم يقول انهم يكرهوا زيارتك ..... لا واللي يقهرك بعض الحريم تقول يازين البساطة أيام زمان ..!!!..... لا ياشيخة .. طيب محد ضربك على يدك وقالك ماتكوني بسيطة في بيتك مع ضيوفك ... وعلى طاري البساطة تذكرت فلم كرتون ( بسيط ) ...اللي معه صديقته السلحفاة اللي اسمها ( سريعة ) .. طبعًا ( بسيط ) قلبه طيب و ابن حلال ..ويحب يساعد أي واحد يقابله أو يتعرف عليه ...لكنه نكبة زي نكبة البرامكة ..وتتمنى انه مايساعدك ....والمشكلة مايترك احد في حاله لأنه حاط نفسه فاهم في كل شي ..لكن بحس نية ...ومش خبث منه ... .............. |
https://mrkzgulfup.com/uploads/166678052791963.jpg وزير العلوم ( زوريل ) أحسن وأفضل شخصية شريرة ...بالنسبة لي ... ماعنده خسة ودناءة ومن هذا القبيل ...... بالعكس هو رجل شر محترم وقوي ...الشر يمشي في دمه بكل رجولة .. وبالرغم من كل صفات الشر المحترمة الموجودة فيه ..إلا أنه في النهاية مات بسبب وحدة كان يحب يتزوجها وهي مطنشته ولا حتى معطيته وجه ...وهي بنت ( فيقا الكبير ) قائد قوات نجم فيقا المتحالفة ...يعني بنت المدير حق زوريل ...... واللي قهره بزيادة هو صاحبه القائد ( قندال ) لأنه أحيانًا يرمي عليه كلمتين كلها سخرية واستهزاء فيه من باب المزح بسبب ان بنت ( فيقا الكبير ) مش معطيته وجه .. لأن ( قندال ) عارف ان زوريل متأثر بقوة برفضها له ...لأنه ماتوقع ان أحد يرفض له طلب وخاصة انه له هيبته وقوته العقلية وشخصيته ومكانته القوية بين الكواكب المتحالفة اللي هو قائدها بأمر من فيقا الكبير ... ..... |
| الساعة الآن 06:19 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا