((عد النجوم وعدها من غلا الزين))
 

يا عيد ما عينت مسك الغلا . وين
الموقع اللي يسعد القلب ...... قربه
فيه النشاما الوافية ..... والمزايين
يشتاقهم منه على ...... الخير دربه
تشتاقهم كل القوافي مع .... العين
عين شكت بعد الغوالي ... . وغربة
عشرة عمر وسنينها عدة .... سنين
يشهد بها القارظ بروحه ..... وقلبه
يا عيد وصل حرفنا .. .... للعزيزين
مسك الغلا مسك الوفاء ما نغدر به
سلم على اللي مسكنه .. بالشرايين
اللي يحس بفقدنا ..... ... نفتخر به
عد النجوم وعدها من غلا ... الزين
غرو صغير بالهوى زاد ..... .. حبه
الله يجمع شملهم قولوا ...... آمين
شمل القلوب الهايمة عقب .... غبة

القارظ العنزي

يا عيد وصل حرفنا .. .... للعزيزين
مسك الغلا مسك الوفاء ما نغدر به
سلم على اللي مسكنه .. بالشرايين
اللي يحس بفقدنا ..... ... نفتخر به


...
كل عام وانت واهل مسك بخير
شاعر مميز ونص يليق بحضورك
يعطيك العافية اخي

المميز مرورك وحضورك العطر
أمل كل عام وانت بالف خير

صح لسانك واعتلا شانك
تغيب وتعود بجديد وكالمعتاد
قصائد جزلة من شاعر جزل
انرت المسك خالي بعد طول غياب
حياك من جديد وآخر الغيبات ان شاء الله

صح لسانك قصيده جميله ومناسبتها ومضمونها اجمل

صحة انفاسك خالتي مسك المسك
في مسك الغلا مسك الغلا الغالية
طبت وطاب مرورك وحضورك العطر
وكل عام وانتم بالف خير وصحة وسلامة