إستشارة طبية
 

مساء الخير
عندي صداع فظيع يجيني على جهة اليسار
من كنت بأولى ثانوي
صار له 4 سنوات معي
راجعت أكثر من مستشفى
وسويت أشعة ومن دون فايدة
وتعاملت لوز ولحمية قالوا ممكن اللحمية لها دور
ومازال الوجع نفسه
يجيني على فترات مو دوم ويسبب لي أرق
المشكله إن كل الأشعات تطلع سليمه
مقطعية
تصوير تلفزيوني
وإكس
من سنة رفضت ما اروح اي مستشفى
لن حتى العلاجات الا يصرفوها لي ماتفيد
ربيعاتي قالوا يمكن العين أو شي
بس الحمدلله أسمع قرآن طبيعي
واقرأ ما احس بشيء
ممكن أحد يساعدني
على الأقل لو جته حالة مماثله
وأستخدم علاج
الصداع على جهة اليسار
يمسك عيني وأذني وراسي
واحس بيه عرق ينبض بقوة
غريب إن المستشفيات اوضح لهم
ويقولوا الكشف سليم!!
وسويت كشف لعيوني واذني والحمدلله
مثل ماقلت الا جته حاله مشابهه يطمن
صرت أخاف من كثر مايقولون لي حسد
او عين او كذا
وجزاكم الله الجنة يارب

مساء النور أميرة الغيم ..
لاباس طهور ان شاء الله ، قدامك العافية يارب ..
جربي طبيب الاسنان ، يمكن المشكلة الاساسية مصدرها الاسنان ،
قريبة لي كانت نفس الشكوى بالاخير ظهر ان مصدر الالم الاسنان ..
لان تعرفين سبحانه الله قوة الترابط بين اعصاب الوجه وتاثيرها على الانسان ..

امنياتي لكِ بالشفاء العاجل وبدوام الصحة ..

السلام عليكم ورحمة الله
مساء النور،، وألف سلامة عليك يا جميلة

هذا في الغالب صداع نصفي،، ولأن الصداع النصفي ماله سبب طبي واضح فتظهر الأشعة سليمة

وللأسف ماله علاج معين كمان،، والمسكنات بعد ما تفيد

علاج الصداع النصفي هو الراحة والابتعاد عن السهر والمسهرات ،، والنوم المنتظم يعني لا نوم قليل بزيادة ولا نوم مبالغ فيه

واوقات تحسي الصداع بدأ معاك حاولي تبعدي عن الإزعاج والإضاءة لأنها تزيده

أجر وعافية إن شاء الله ..

احتمال الاسنان لها دور لان انا اعاني من نفس الشي
وراجعت طبيب الاسنان الاشعه اظهرت ان عندي اسنان باقيه في مكانها مانزلت والموجوده اسنان الحليب اللي المفترض يطيحو ويطلعوا هاللي عالقات بدالهم ع فكرة حجمهم كبر وهم فوق من شان كذا الالم مستمر معي .. وعشان ينزلوا لازم عمليات وجسور وشغلتهن شغله .. تركتهم وربي يعين ع الصداع

..





مساء الانوار

اهلا أميرة

سلامتك لا بأس عليك

جربي تسوين تحاليل دم تشوفين الفيتامينات

خصوصا فيتامين د والحديد وفيتامين ب

نقصهم مرات يسبب صداع فضيع

تحيتي لك






..

ترى عادي ما يكون في سبب غير التفكير
يمكن أنتِ تفكرين كثير
ومثل هالنوع من الصداع ما يروح
إلا لما تنامين وتريحين عقلك

وإذا أنه من جهة اليسار
يمكن لأن أنتِ تستخدمين عقلك الأيسر أكثر من الأيمن

إذا حسيتي أن الصداع يروح بعد ما تنامين وتصحين
يعني أنه صدق من كثرة التفكير

والله أعلم
بس حبيت أقول رايي