تعال اكتب الحاجة اللي نفسك فيها .. حاجة نفسك فيها ...لكن ماتقدر تسويها أو تعملها بسبب المجتمع اللي أنت عايش فيه ... يعني مثلًا بعضهم نفسه يكون عنده بسكليت يعني ( دراجة هوائية ) ويتحرك فيها برا البيت هنا وهناك ويقضي عليها مشاويره القريبة .....لكن مايقدر لأن مجتمعه مش متقبل الشي هذا ..لأنه كبير في السن تجاوز العشرين ومش لايق عليه....طبعًا هذا مجرد مثال عند بعض المجتمعات ... أو مثلًا نفسه يحط طاولة صغيرة وكرسي جنب باب البيت برا في الشارع ..ويجلس يستمتع بالأجواء وفي يده الشاهي المنعنش...بس مايقدر بسبب مجتمعه...رغم انه مش كاشف الرايح والجاي من جيرانه ... وغيره من الأمثلة اللي ردة الفعل تجاهها تختلف من دولة إلى دولة...ومن مدينة إلى مدينة...ومن حارة إلى حارة .... خلاصة كلامي : قول أي حاجة نفسك فيها من لباس أو مركب أو تصرف أو أي شي نفسك تسويه أو تعمله ....لكن ماتقدر بسبب مجتمعك اللي أنت عايش فيه ... وعلى فكرة يا عزيزي العميل لاتخلي شخصيتك ومكانتك في المنتدى تمنعك من قول الحاجة اللي نفسك فيها .....لأن ممكن بعضهم يخاف تهتز صورته الحلوة اللي آخذينها عنه الأعضاء لأنه يعتقد ان الحاجة اللي نفسه فيها ممكن مايتقبلونها منه....فـ يعتقد ان هذا الشي راح ينزل أسهمه عند الأعضاء ...... المهم طولناها عليكم وهي قصيرة .... .... |
والله الموضوع يجنن..تسلم :icon10: اولا نفسي اعيش عيشة هايدي بجبال الألب :icon10: والفكرة مسيطرة على راسي :icon10: |
اقتباس:
طيب يا ( لقاء الأرواح ) هل مجتمعك اللي أنتي عايشة فيه متقبل انك تعيشين عيشة هايدي ...؟ يعني مثلًا لو اشتريتي كم راس من الغنم زي اللي مع هايدي وبيتر ...طبعًا اشتريتها وقت البرد المعتدل والدنيا مطر وربيع في البر ..وجلستي معها فترة الأجواء الحلوة ...وطبعًا كل شي مأمن لك من مأكل ومشرب وأمان ....السؤال : هل مجتمعك اللي أنتي عايشة فيه راح يتقبل الشي هذا ...أو يستهجن تصرفك هذا ....وبكذا تبطلين من الفكرة ....؟ ..... |
لا مجتمع ولا الطبيعة ولا المكان :MonTaseR_158: |
نفسي اعيش بالطريقة اللي تعجبني لكن عادات اهلي ومجتمعي وقبيلتي تقيدني وخايفه يتاذي طفلي بالمستقبل بسبببي |
اقتباس:
صحيح ...فيه أشياء نحبها ونفسنا نسويها ...لكن نمتنع عنها بسبب أنها راح تؤثر على المصالح المستقبلية لمن نحب ....يا إما تأثر على الولد أو الأب أو الأم أو الأخ او أي واحد نحبه ....فـ نبطل من الشغلة كلها ... ...... |
اقتباس:
حرام عليك أحاول أزبط لك الوضع ...قلنا لك الأجواء حلوة ومطر وربيع واشتري كم راس من الغنم ... لكن كلمة ( في البر ) شكلها هي اللي خربت الشغل كله... المهم كلامك صحيح المكان مايساعد ... ولكن أعتقد حتى لو كانت هناك أرض وأجواء زي المنطقة اللي عايشة فيها هايدي ماراح تعيشين فيها زي هايدي.....راح تعيشين في المدن ....لأن المجتمع ماراح يرحمك ..راح يقولوا شكلها جاتها حالة نفسية واشترت غنم وجلست معها في الجبال وماعندها ابن أمه ..جالسة تكلم نفسها ..وبكذا ممكن ماراح يأحد يفكر يتقدم لك .....يفكرون ان عقلك فيه شي بسبب انعزالك عن الناس زي هايدي ... طبعًا ممكن تقولي مايهمني كل هذا الشي اللي راح يحصل ... لكن أهلك راح يهتموا ..... .... |
فيه موقف كنت بكتبه بس نسيته : ) |
نفسي اعزف عود علني |
نفسي اعزف عود بشكل علني وعادي اسوي قناة عاليوتيوب وانزل مقاطع تيك توك وسناب |
.. وانا نفسي كل صبح اتزحلق ع الدرابزين واروح لدوامي بس شكلي بيطلع غلط عند اهلي واكيد بيعايروني :icon27: |
نفسي في البيك اتغداء منه واحط راس وانام حتى المغرب . . . |
إذا كان الدين بجلالة قدرة وعظمته جاء في تشريعاته بمراعاة احوال الناس وعوائدهم المستقرة كيف ننسلخ من عوائدنا وقيمنا وهي ارث ورمز لنا |
نفسي يلغون طلب كفيل موظف حكومي عند طلب القرض |
اقتباس:
كلنا ننسى .....بعد ماتتذكره اكتبه ... .... |
اقتباس:
شكلك تحب تنطرد من البيت:MonTaseR_140: ... ....... |
اقتباس:
ههه ماهو بس بيعايرونك .. زد عليها انهم بيقولون عقله فيه شي ....وراح يجيبون سبب ماتتوقعه لتصرفك هذا... يعني راح تكون جثة تحت التشريح بالنسبة لهم .... ..... |
اقتباس:
ياعمي من أبسط حقوقك وليش لا .... ...... |
اقتباس:
طبعًا أكيد كلامك صحيح ..... وبمناسبة كلامك هذا .....فيه عادات متمسكين فيها الناس وهي مال أمها داعي ..بالعكس مضرة لبعض الناس ... وفي المقابل فيه أشياء يحب الواحد منا يسويها ....سواء كانت مفيدة أو غير مفيدة ...ولايوجد فيها شي من خوارم المروءة أو الأخلاق ...لكن مايقدر يسويها بسبب عادات المجتمع اللي مش متعود عليها أو مش متقبلها .... مثلًا بعض الناس مايتقبل ان الشخص يروح للمسجد بـدون شماغ .....!!...ونعم يوجد نوعية من الناس مايتقبلوا هذا الشي ..ويعتبروه عيب ومن خوارم المروءة ... فـ أنا من الناس اللي أصلي في المسجد بدون ما ألبس شماغ ...حتى لما أتسوق أو لما أكون في الأماكن العامة ... وطبعًا ما ألبس الشماغ مش بسبب ان شعري كثيف و ناعم وجميل ومدري إيش ....لا مش هذا السبب ...لأن أصلًا شعري قليل وضعيف وماشي لمرحلة التصحر ....لكن السبب أني أكره الشماغ ...غير عملي نهائيًّا ... ويطفشني كل شوي الواحد يده شغاله فيه .....ووقت البرد ألبس شال بدل الشماغ .. المهم شكلي طلعت برا الموضوع وسويتها قصة مع الشماغ ههه ....بس ماعلينا ...الواحد يحب يفضفض شوية ... ....... |
اقتباس:
يمشون على المضمون .... الله يعين الجميع ... |
من المفروض ما أعلق على الردود ....لأن الموضوع مممممممممم أحسه من نوعية المواضيع اللي مايحتاج أصحابها أنهم يعلقوا على ردود الأعضاء ... لهذا السبب المرة الجاية ماراح أعلق على الردود ....(( تكفى ياشيخ قول غيرها ... ..... |
نفسي في .. 1 - احفظ و اجدد من القران اكثر 2 - اسجل فكرتي عن المدونه الاكثر انسجام 3 - تجديد الماضي من تعلمي للغات الانجليزيه و الفرنسيه و الالمانيه 4- and download |
الان سلمت و صبحت على اغلب المتواجدي عندي في الواتساب ون بي ون صوتيا و امر بجنب رجال الاعمال و الشركات و اخرتهم للان نفسي اسوي حركه اصبح عليهم بس من غير ماادخل العمل و لا اخرب البرستيج :MonTaseR_197::MonTaseR_218: |
فى النفس حاجات كثيره الشرح فيها يطول |
ارجع الزمن للخلف وامحي اخطائي وعيوب بشخصيتي !.. |
الشفاء والعافيه لكل مريض ومعتل بدنيا وعقليا.. |
الساعة الآن 07:24 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا