البارحه كان لي . . مع الليل مسرا
وادوّر القيفان .. من وين .. اجيها

ياقلب .. من فقد المحبين . صبرا
كف الدمع .. لا عاد . . تبكي عليها

زماننا صارت .. ليــاليــيه* غــــبرا
لا عاد . . تسألها . . ولا . . تحتريها

اذا .. سرا ليلي .. تذكرت .. ذكرى
والقلب صاين .. حبها . . مانسيها

وشلون بنسى . . جرح ماراد يبرا
وشلون بنسى . وخاطري يحتويها

كنا سوا .. ندرس ونكتب .. ونقرا
وتبيعني الضحكه . . وانا اشتريها

ماحد درا .. مابيننا ويش .. يجرا
من حب واحساس ومشاعر عليها

من زينها لاجيت .. باقول . شعرا
تتشابك حروفي وانا اكتب عليها

كأنها . . في ناصف .. الليل . بدرا
نص الشهر . متكامل الزين . فيها

وعيون حوريه .. وخدين .. حمرا
والدم .. لو إنه سال . من شفّتيها

هي صح قصيره طولها طول شبرا
سنفوره . . لكني . . ابيها . . ابيها

هاذيك لو حطت على الجرح يبرا
كأن . . ترياق الحياه . . في يديها

هاذيك لو تامر . . على القلب امرا
قلت ابشري . حتى عيوني خذيها

كان قلبي .. قبل شوفتك . صحرا
وصار جنه . . نابت الورد . . فيها

لكن راحت . . يالمخاليق . . غدرا
راحت وقلبي . دووم يسأل عليها

غصباً عليه .. شالها الوقت . جبرا
وخلا .. فؤادي .. حايرٍ .. يهتويها

.. وسلامتكم ..

بقلمي اخوكم شاعر الآنين .. نجم ضاوي ..