حزين ....... جديدي الحصري
 

حزين أنا* من مايعاني رفيقي
لكن وش إللي في يديني أسويه

والله ما تحمل أشوفه بضيقي
لو كان يبغى فرحتي قلت أبعطيه

الهم...... أحلم به أو أنه حقيقي
مدري ولكني أبي بس أخفيه

أغليه وأعزه كأنه ......شقيقي
وقلبي على ذكره ترا دوم يطريه

معاهده والعهد يبقى وثيقي
ولانيب خاين عهد قلته وأعنيه

في بحر شوقه والله إني غريقي
وموتي أنا ياصاح وشلون يرضيه؟

لو كان يبغاني مشى في طريقي
حتى لو الدنيا تسره وتغريه

وإن كان في قربي أبد مايطيقي
فما أقول غير الله يرده ويهديه

صح لسانك اخي
جميل ان يملك الانسان صديق وفي يحزن لحزن صديقه ويفرح لفرحه
الله يبعد عنك الحزن ويسعدك

يعطيك العافية اخي
يختم ل3 ايام مع التقييم

خير القلوب الوافية .... والرقيقي
اللي عند اللوازم ............ نوافيه
ما لوم مثلك بالمراجل .... يليقي
يا خذ حقوق ويعطي الحق راعيه
يا راعي الواجب المطلق . حقيقي
هزيتني بالقاف والحرف ... زاهيه
اصبر وصابر واحتسب . بالرفيقي
لا بد ما ربك يجيبه ......... لغاليه
رجل يشكل بالمواقف ..... فريقي
لو هو وحيد هقوته فوق .. اهاليه
هذاك هو شرواك حر ..... طليقي
ما يشبكه يا غير مثله ... وراعيه
ورجل تجيه الناس ما هو مفيقي
ما ينعشه دعمه .... وناس حواليه
نام ونام الحظ نوم ...... الغريقي
لمحييه حظه ولا الدين ... محييه
جاك الجواب مزرفه .... يا رفيقي
زرف المعزة والكرامة .... ومهديه
مزرفه من دم قلبي ..... . وريقي
للصاحب اللي حن نعزه .... ونغليه
وان شفت به قاصر وذنب يعيقي
استر على ذنبي واستر ... عواريه
حيثك طبيب القاف تفهم بضيقي
يالنادر اللي بالمواقف ...... نباريه

صح السانك اعد النجوم مجاراة متواضعة
ارجو قبولها بقبول حسن والتجاوز عن قصورها
دمت بالوجود لاهنت

الله الله الله
صح لسانك شاعرنا المخضرم
اعد النجوم
صح لسانك سلطان القوافي
القارظ العنزي
صوت وصدى
ولا اروع
ولا افخم
ارويتونا شعرا
نظم ومعنى
لاخلا ولاعدم
ودي واحترامي

!

صح لسانك
ولاهان القارظ

هذه المواقف هي معادن الرجال ومروؤته وموقفه الشريف ..

الاول موقف مسلم

وموقف انساني

وموقف الخليل من خليله ..


ابدعت يالجزل

كفو والله يا شاعرنا .. اعد النجوم ..
ونعم الصديق ورفيق وخالقي وهذا ما عرفناه عنك ...
قصيدة في علم الصداقه والاخوه واستاذها هو أنت ...
صح لسانك وسلم نبض إحساسك وروعة وبيانك ...
كفيت ووفيت وفالك البيرق ...

... لا خلا ولا عدم ...