الشاعرة حسناء العواجي
في نهاية فصل الشتاء لعام 1414هـ رأت احدى نساء محافظة الرس رؤيا في المنام تقول رأيت شجرة يابسة في الماء والناس يجرونها ليخرجوها ولكنهم لم يستطيعوا ثم بعد ذلك سقطت الشجرة من نفسها بعد ذلك رأيت نساء حولي وإذا أبني الذي يدرس في المدينة يدخل علي قادما من المدينة ولما قمت من النوم كنت خائفة جدا وأراد ابني سليمان العواجي الخروج للبر فمنعته ورفض وأغلقت الباب دونه عندها قال كلمة غريبة قال انسوا ان لكم ولد اسمه سليمان وخرج من البيت وذهب إلى سد حايل (سد الروضة ) ورمى صيد ووقع الصيد بالماء ونزل سابحا في الماء ليخرج الصيد لكنه غرق ومات رحمه الله ومكث الناس من يوم الثلاثاء إلى يوم الخميس وهم يحاولون إخراجه لكنهم لم يستطيعوا واتت فرقة غواصين من جدة وحاولت إخراجه ولم تستطع ولما كان الصباح وجدوه قد طفى على سطح الماء وكانت هذه رؤيا أمه رحمها وتقول أم سليمان رحمه الله كنت في العزاء وكان النساء حولي نفس المنظر الذي رايته بالمنام وتقول دخل علي ابني الذي في المدينة
وقالت والدته قصيدة رثاء تقول فيها

يا سد حايل لا سقتك الهماليل =عساك يابس لين تفنى الليالي

لو صار بالدنيا غيوم ومخاييل= ويجنبك ربي حقوق الخيالي

حيثك ذبحت اللي ساري تالي= الليل متهقورين يبي صيد الحمامي

غرهـ ببرده والهواء تحت صفرين= ومنيته مكتوبة بالشمالي

قال القدر حول ولاخاف بالحيل =ولادنت تدعيه باية مكاني

مرحوم يلي مات بطرفة العين =والوالدين يعوضون السلامي

يالعبد لاتجزع وان صابك البين= اصبر ولو كثرت عليك البلاوي

من خلقة الدنيا تشيل الملايين= تدخل وتاخذ لين تخلي المكاني

ماطولت للرسل هم والفراعين= ولا طولت لملوكنا والهلالي

يالله تجعلنا من يفوز بالخير =مع النبي يوم الحشر والقيامي

هذه القصيدة سارت بها الركبان وبكى الكثير لما سمعها لما فيها من صدق الرثاء والتعبير عن الحزن وبعد سبع سنوات علمت صاحبة القصيدة بأن اهل منطقة حائل منزعجين ومستائين من القصيدة وكانوا يريدون الرد عليها الا انهم لم يفعلوا كون صاحبة القصيدة مرأه ومتأثرة من فقد ابنها
فكتبت قصيدة تعتذر بها لاهل السد وحائل وتمثلت بالابيات التالية:
الشاعر ة حسنا العواجي تعتذر من اهل حايل بعد ان دعت على سد حايل .
ياسد حايل جعل سيلك هماليل= يجيك من نو الثريا اثعولي

من طلعة الجوزاء إلا غيبة سهيل= لا صار أهل السد ما يسموحني

ينبت ربيع مثل زرع المحاصيل= فيه الزهر من فوق الأغصان يومي

فيه الزبيدي مثل وصف الفناجيل= والطرش حسه مثل صوت الرعودي

وأنا حسبت السد ماله منافيع= مير اسمحولي يالرجال القرومي

ربع اليا جتهم وفود الرجاجيل= اصغارهم للمرجلة ينطحوني

والله ماقلته وانالي مقاصيد= لحظة حزن و اظنكم تفهموني

واللي نشد عني يامرحبا فيه= وتراي بنت مكرمين الضيوفي

ابو حسين اللي أليا حل طاريه =كلن مع الشدات يمه يروحي

قصر العواجية تراها مرابيه= بوادي النساء ماهيب ورث اجدودي

بير العواجيه بعثها بيادية =وكلن يجيها من شمالي وجنوبي
الشاعرة حسنا عبد الله العواجي..

وعليكم السلام ورحمة الله وبركاته
تسلمين الله يسعدك في الدنيا والآخرة وشاكر على المرور الجميل