منتديات مسك الغلا | al2la.com

منتديات مسك الغلا | al2la.com (/vb/)
-   قسم مدونات الأعضاء [ الاختلاء المباح ] (https://www.al2la.com/vb/f53.html)
-   -   خارج الصندوق (https://www.al2la.com/vb/t123631.html)

أمل. 10-07-22 01:45 AM

منورة سوار العسل
انتي والسبعة اللي هنا
حقيقة كنت جاية ودي اغلط
بس شفتكم استحيت
عاد تعرفين حالات الادب عندي
نادرة الحدوث خصوصاً
إذا كنت بفصلات
النوم
لكن عندي سالفة
احتاج اعطي وجهة نظري عنها
اللي ترحمو ع القرضاوي
ووصفوه بالمناضل
وصاحب كلمة حق
الفكرة عندك مبنية ع أيش
وكلمة حق ايش
حرض ع الثورات
والقتل والفوضى
شنو الفائدة اللي قدمها
وبعد ما انقتل العالم
وتهجرت ملايين الارواح
تترحمون عليه
الاخوان يحتاجون
تهجير لـ إيران أو تل أبيب
اللي يبي يدعو للجهاد
يتوكل مو يتبطح بفنادق
الدوحة
والعالم تحت عجلات البطش
والموت وتصفونه بصاحب
الحق...
عاد افضى لما قدم وامره
إلى الله
لكن القطيع اللي يمجدونة
انصحهم بكوبين يومياً
كلور لعل وعسى
تتحسن عقولهم:MonTaseR_98:
كذا انام مرتاحة:MonTaseR_97:

أمل. 10-08-22 01:32 AM

معلومة ليست مهمة
لم اكتب يوماً ليقال
او لنكون محط أنظار
الشيئ اللي كنت استمتع
بيه ايام المتوسط والثانوي
ويهمني اكون متواجدة وقت حدوثه
الهوشات:سكر:
كانت وناسة
بعدها والله ماتفرق
اللي يكن لنا الود
الايام بتعيفه قلبه وماحوى
واللي شايل علي
رضاك مو من مستلزمات الحياة
فلذلك أي إعجاب
مبني ع شيء
مبطن نصيحه يتكنسل
لان والله قشرا
واسلوبي غير حضاري
.....
نرجع لسؤال سوار العسل
والله معرفك لايق عليك
انا لو اغير اسمي.. مااعرف
لكن صلفة مناسب
اسم عجوز من الجماعة عليها
من تعابير اسمها الكثير
من الآخر انتي اللي تعيشي
الحياة اللي يناسبك زينيه
وترا إعتزال البشر بصفة العموم
مو زين بتقلبين نفسية
لذلك كافحي لبقاء شعرة معاوية
صح علاقاتي تسير بالطريق
المنحدره لكنها للحين ماوصلت القاع
بقائنا مع عوالمنا الحقيقية
افضل مليون مرة
من زيف الافتراضي
وجماله المصطنع
والله يكتب لك الخير والسسعادة :قلب ازرق:

أمل. 10-08-22 01:42 AM

يقول سعد يحيى
شيل من تهواه في صدرك وعش به
قاوم بأحبابك : صلوف الليالي

من ربيع العمر ، وامطاره ، وعشبه
وش بقى لا ودّعك انسان غالي ؟

يرجع الروتين و الايام تشبه :
كل ليلة عشتها دونك لحالي !


...
عزيزتي الأنثى
قبل ان تبهذلي عواطفك
في الحب..
مري ع المطبخ
نظفية
ورتبي غرفتك
والله إشغال الجسد
بشغلة مفيدة
ازين من رمادية العواطف
وشقا الحب
لواحد مايسوى التالية من الغنم:x38:
النوم كان ازين
لكن قلت افيدكم:MonTaseR_183:
نلقاكم على خير

أمل. 10-08-22 01:14 PM

مساء الخير
عندي مشكلة مع مساء
وصباح
تنام وصارت العالم تقول صباح
وتصحى وتلقاهم يقولو مساء
شغلات الذرابة
مكلفة...
تعلم الجدية
وممارسة المواقف بثقة
العالم من زود تفاهتها
صارت ترقص ع غبائها
كن متزنا ولو فقدتهم
أجمعين

أمل. 10-08-22 08:18 PM

قاعدة انتظر القهوة
تنضج...
قلنا نتفلسف ع فرضية
ان التدوين خارج تصنيف
التنسيق والاخراج اللغوي
المتعوب عليه
التدوين كـ فكرة
كأني قاعده بالحوش
ع مركاي تقول عجوز صاكة الثمانين
وع طاري جلسات البيت
ليه التهافت ع المقاهي
وجلسات المولات
العالم صار عندهم
ازمة من المنزل
العالم انهبلت
لو قعد الواحد يوم تحسبه
بسجن مو متكي تحت المكيف
العقول غبيه وتفكيرها
منتهي:x12x:

أمل. 10-08-22 08:24 PM

الزمن وجه وغيابك : شجي !
من تبيّنت لك ماعاد .. بنت

مدري منّ اللي عيا لا يجي ؟
الوعد ، والا باكر ، والا انت !

..
نلقاكم على خير :Dl3:


الساعة الآن 08:24 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا