معالجة عقدة..
 

السلام عليكم ورحمة الله وبركاته

لأنني أكره المقدمات بدخل بالموضوع طوالي ..

قولوا يا جماعة الخير
قبل كم شهر عملت حادث وهالحادث أثر فيني بشكل قوي،
مش جسديًا،
رغم إن السيارة تضررت جدًا..

إنما نفسيًا..

فعادي تلاقوني قاعدة أشوف فيديو لواحد مصور الطريق وهو بالسيارة في أمان الله
ويدي على قلبي لا يصدم :)

أو لما أطلع مع الوالد -الله يخليه- أو أي حد ثاني أجننهم تحذيرات وشهقات مالأمها داعي،
ولحد اللحظة متخوفة من القيادة بشكل صرت أحسه مَرضي!.


أتمنى أتخطى الموضوع لأن الوضع اللي أنا فيه ما يسمح اني أظل على هذا الحال كثير..

اعطوني حل..

كلنا بعد الحوادث سواءً بسيارات أو غيرها يصير لنا تأثير نفسي مثل ماصار لك

ولكن هي مسألة وقت ونعود لوضعنا الطبيعي

الله يبعد عنا وعن جميع المسلمين الكوارث
اول شي اللي صار لك مقدر ومكتوب
ثاني شي الحمدلله ان الله طلعك منها وما جاك شي ( زي مايقولون بالحديد ولا بالعبيد )
وطبيعيا الخوف اللي ينتج بعد الحادث
لكن انتبه يسيطر عليك وانسى

دائما لما الشخص يطلع من البيت يقرآ اذكاره عشان ربي يحفظه من كوارث الدنيا

وعليكم السلام ورحمة الله وبركاته
الوضع طبيعي ولكن حاولي
بالبداية تحاربي الخوف
لاتراقبي الطريق انشغلي بالجوال
اتركي السايق والسيارة شوي شوي
تفك العقدة والف سلامة عليك
مرت علينا هـ الحالة وتجاوزناها الحمد لله...

إذا تخافين كثير تصدقي دايم
ولما تطلعين من البيت قولي أذكار الخروج من المنزل
وبعدها كوني واثقة أن الله بيحفظك ولا تفكرين بالحوادث

والله أنا دايماً إذا كنت ف السيارة
ما أفكر بالحوادث ولا شي
وأشوف حوادث وسيارات مكسرة ومقلوبة ف الطريق

و يا كثر المرات اللي كان بيصير فيها حادث قوي
بس الحمدلله كنا ننجو في آخر لحظة

أذكر في وحدة كانت دايماً تخاف يصير حادث
وآخر شي انقلبت فيها السيارة

يعني لا تخافين وكوني واثقة

انا صار علي حوادث بالهبل ههههههه الحمدلله اني ربي سلمني

وعادي اليوم الثاني وانا اسوق كنه ماصار شي

انتي قوي قلبك وماعليك وانسي اللي صار لك

مع الوقت راح تنسي ان شاء الله