|
شعوري من ورق أنا عاشق شعوري من ورق و ضلوع صدري ناي اقول الشعر و ارزّ علمه و ارعی مرابیعه اقول بـ كل مرّة ماني مغنّي على ليلاي انا اكبر من مشاوير الغرام ومن مواضيعه و اذا قام الحنين يسوق قلبي قمت اسوق خطاي ادور من دروبك درب قد جيناه و اضيعه يا كثر صورك ؟ اللي ما نساها بالي النسّاي لو ان عمري معك مرّت سنينه مثل اسابيعه حبيبي كيف أمرّ بشارعك ماتدري اني جاي ؟ وانا اعرف الصباح اللي يجيبك من ذعاذيعه يا سحر آخر قصيدة في عيون الشاعر الغوّاي يا وجه مستعد اعيش عمري في تقاطيعه أمانه لا تغرّك مرحباي وضحكة محيّاي ترى حزني مثل رمشك طويل وضيعتي ضيعه تركت وجيه خلاني وراي وجيتك من اقصاي وانا بعض الوجيه اليا شريته ماقدر ابيعه أخشّ اسمك عن أطراف الحديث وتفضحه دعواي وتهتف له عروق القلب وتجدّد له البيعة لا تاخذك الليالي والليالي ماهي بشرواي تداري خاطرك من كل تنهيده و تلويعه يقولون ان حبيبك ما تهزه حشرجات الناي واقول بصوت عاشق مابيدّه غير اصابيعه عفى الله عن حبيبي لو حبيبي ما هو بـ ويّاي كثر ما اعاند الشوق بغيابه وارجع اطيعه عليه من السرور اللي ماهو في وجهي البكّاي وعليه من السلام اللي ماهو في ليل توديعه لـ عبدالله بن ناصر |
اقتباس:
صادق ! سلمت يا أمل على النقل الرائع |
يسلم لي مرورك العذب يـ جميلة |
ابيات روعه يعطيك العافيه |
. . إنتقاء بهي أدام الله النور والرضا شكراً تقديري :81: |
تمرد ذكرى الاروع مرورك العاطر غباب سيدة الحرف الجميل وادام الله وجودك |
| الساعة الآن 04:10 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا