06-01-23, 11:32 AM
| #55 | |||||||||||||
 
| 
سايرت واجد والقناعه خير ما يكسب الرجال في وقته .. إلين شفت اللي مِجيَّه غير خلاني اسأل مين جايبته .. إلى حضر تلقى من التأثير ما يجعل الأعناق ملتفته .. والى تكلم ما ترى تقصير في قوله اللي قال واجوبته .. اسماعنا له ترتخي تقدير واقدامنا عجله ومنفلته .. فيه آتأمل مترف التعبير لقيته الإنسان بكملته .. بديت أفكر واعصر التفكير حتى نخرت الراس بسئلته .. عصارة التفكير والتفسير الشخص ذا من وين مرجلته .. يشهق طهور وزفرته تطهير إمن النفس الأول لِيَا آخرته .. والناس تعشق طلته واتحير وتشوفها بهره ومنبهته .. منه إتعلم كيف تصنع خير وكيف إتثبت ساعة النعته .. ماهو بلا الأول ولا الأخير الأرقام حطمها بمنزلته .. يسج بك عن منطق التكوير حتى عن التقويس وأنضمته .. مساحته أكبر من التحرير ومن الفعل يبني مخيلته .. فيه النضام يمر عكس السير كنه يقول السير صححته .. بشر تشوفه بس كنه طير بين الشجر والغيم مـنطقته .. لو ني امـه زدت في التكبير من شر عينٍ جـات حـاسدته .. هذا ( انا والليل ) والتقرير ملفي الغابر وفتشته .. هذا انا حقاً بلا تبذير يا قارئي بعضي ودونته .. عندما يصف الواثق ذاته ومكانته بشيء من التواضع عتيم مرحباً بعودتك | |||||||||||||
 |
|
06-01-23, 11:59 AM
| #56 | ||||||||||
 .
| * أمل والله وبالله وتالله انّكِ لو لم تقومي باقتباس هذه القصيدة واعادتها الى السطح لنسيت اني كتبتها فانا حقا والله نسيتها .. لذا : تأكدي ان كل امتنان اقدّمه لإلتفاتاتك ليس إلا نزغًا يسيرًا من الامتنان الذي يفوق التعبير بداخلي .. امل تدرين انك باقتباسك لهذه القصيدة واعادتها للذاكرة اعدتي إليّ الحنين الى العنفوان شكرا : والله شكرا .. | ||||||||||
| |
|
08-06-23, 10:23 AM
| #57 | |||||||||||||
|
أنا مع وقتي الصادر وأنا المِقدم وانا الورَّاد وانا كلي حيا يوم الجباه الزاهيه عرقا أنا لون السنابل والسراج وبارق الوقّاد أنا لون البحر لوني وانا لون السما الزرقا أنا اللي يِكرم الذكرى ولو لاموني الحساد أنا العابر مع احزون الوطى ومعدي المرقا سهير الليل كم يوجس من اسرار البعاد أبعاد وانا بين السهر والوجد والحرمان والفرقا تنام الناس من حولي وانا عيني بلا مرقاد أحس ابداخلي ضيقه شراييني بها حرقا تزور اطيوف خلاني طرف جفني بلا ميعاد تطير ابمرقدي صوره تغني لجلها الورقا وهو ماعاد يجمعنا شراب الما وملح وزاد تفارقنا بلا ميعاد انا والفاتن الطرقا انا مدري عن الدافع ولاعن مركز الارصاد لو احلوق الحظوظ اللي تمنى بالعنا شرقا توالفنا كذا وشلون ما ندري وحنا اضداد ترفْ ارواحنا الدنيا لو ان اجسادنا غرقا مُواسي. في رائعته ذكرى | |||||||||||||
| مُواسي likes this. |
|
08-06-23, 10:26 AM
| #58 | |||||||||||||
|
قنديلة الليل .. ما لجروحنا راعي يستاحش الليل كان أَهْمَلْهْ مصباحه اقفيت : ما اقفيت يوم اقفيت بك واعي إلّا من طعونك اللي تجرح رماحه حتى وانا مقفيٍ ما اختلفت اوضاعي لا زال قلبي مضيّع فيك مفتاحه كِفّي ظنونك : ظنونك مالها داعي يا سيّدة شعري اللي غيّر الساحه زَبّنته لعينك الثّنتين* بشراعي والموج تحت اصبعي والريشه رياحه وسخّرته يكون بين اثنيننا ساعي يالجاذبيّة ... قبل لا تطيح تفّاحه لولاك ما كان اقدّر قيمة اوجاعي اللي من يديك كَنْها قيمة الراحه يعني إذا انّك حزنتِ ليش ترتاعي إهديه حزنك وهو يهدي لك افراحه اقسم لك بحق ضيٍ كان خدّاعي انك وحيدةْ شعوري واعذب جراحه يا نجمةٍ تستبيح الليل باضلاعي الشوق فضّاح .... والايام لمّاحه لي كم شهر فوق الارض وكاره إقلاعي جثمان من دون روح يلف بوشاحه لكن اذا انّي ذكرتك طرت من قاعي ويبكي سريري علي لو كان طرّاحه ودّي اشوفك ولو اقطع لك ذراعي ما ودّي ان الفراق تخيّم اشباحه إلّا انّي اخاف فيك يكون مرجاعي مِن كنت ليلٍ وكان الصبح مسّاحه لكن إذا إنْكْ إنطفيتي مرّي اوجاعي ذخرتها لك عمر : في شكل قدّاحه وارجوك إذا مِتْ : قلبك لا يجي ناعي ما ينفع بكاه ...... لو زمّلتي نواحه *عـتـيـم ..! في هزيع هكذا نصوص يجب الا تُنسى | |||||||||||||
| مُواسي likes this. |
|
08-06-23, 10:30 AM
| #59 | |||||||||||||
|
البارحة مَــرّت على بالـي وهـــي تختـال سألتها : يا طفلة الـــرّيف المدينــة ويــن ؟ قالت : على مدّ النظر ليت النَّظر مِرسال بَـــسّ المسافة شاااااسعة لَــوّ إنّها متـرين حتى تشوفين الضَّجيـج الّلي تِبــي يغتــال فيك الجُنـــون العاقــل المتمــرّد المِسكين لــوّ المدينـــة تشبهك .. فيها هَــداوة بــال رَغم الصَّخَب في خَافقك ما يكره التَّمدين ما تشبهك وانتي هنا في داخلــك مـا زال باقي مَلامــح روحي المتعفرتة .. للحيـن كنتي قَبــل تِتْعقّــل بنظــراتك .. الأشكال طفـــلٍ تنــام الشَّيطنة .. بِعيونـه الثّنتيــن طفــلٍ يعلّــم لا زعل .. غيماتـه التّــرحال واليا رضى علّــم مشاعرها دَفا التَّوطين كنتي قبل لا ينضج الحَكْي بْفَــمَ الأطفـال عـن رَبْكَة المَا للحَجَر يا مُرهفة تحكيــن كنتي جنون وفلسفة .. وأشياء لو تنقال يفتح له المعنى دَفا نفسه على الجَالين قلت:أدري إنّي ما نسيت إنْ لي هناك ظْلال عَيَّت أَبَد .. لا ترحـــل بْتلويحــة المقفيــن وادري هناك بكلّ ما فــي ليلي مْــن امال كانت لي عيـــونٍ تزمّ لصبحها شمسيـــن وادري هناك انّي على مرّ الحنين إنْ طال طفلة قبــل لا ايقاعهم يستــدرج الغَــاويــن كانت على جَال القَصَب في راسها موّال ليت القَصَب غنّى على مَوَّالها مْن سنيـن وبْهالحياة ادري بِأَنْ بَعْض الفراق وصال وانّ الرُّجوع لذاتك أَبَلغ من حنين الطّيـن واشياءك الّلي تحبّها بُكره تصير أَطــلال لو ما مشت عالموت مِعْك البارح وبعدين سُرَى في جال القصب هذا النص عظيم للحد الذي يدعونا للتأمل في كل مرة نقرأه | |||||||||||||
| |
|
03-01-24, 02:39 AM
| #60 | |||||||||||||
|
أمّا قَبِل : قَبْل انثناءة هالشّطر بآخـــر شطـــــر الّلي يحبّ إحساسها يعــــذر شَغَـــب تمهيدهـــا قَدْ كُنتُ قَبلَ الأمــــسِ همسًا كُلّمــا رقَّ استَتَـــر والّليلة عيون القصيد ... تمـوت في تجريدهــا ! غُضّوا طَرَف كِلّ الشّعور الفتنـة أحيانًــا شعــر لا تستبيحوا فكـــرةٍ ... تــوّ النّـــدى بعويــدهــا عـــرَّت مفاتنها علــى ضــوّ القمــر ليلــة قمــر لجل الظِّلال الّلي تشكّ تغيب فــي توكيـــدهــــا مــا علّموا هالمبهمة هَمــس المَطر مـــا ينهمــر إلّا على شان المَطر يشرب ســـوالف جيــدهــا أمّا بَعَد : بَعْد انعتاقة هالفجــر ... ماهــي فجـــر لو ما انشغل هـــذا المساء المُرهــف بتجسيدهـا وماهي على الهامش إذا ما كانت بفـوق السّطــر مــاهي سطر لو مــا الكلام يهيـم فــي ترديدهــا بنــت السَّهو تَلبس شَغبها مِـنْ شَغبها فـــي حَــذر والعيـــد لا مـــن جابتــه هالعيـــد هـــذا عيــدها فِحْروفها طفــــلٍ غـريـرٍ كُلّمــا زَعْلــتْ... كبَـر وإليا رضَتْ بالله مـــن يعــــذر جنــون وليـدهـا ؟ السّلم ربّـــاها عشــان تعيــش فــي عيـن الضَّرر أكبــــر ضَرر يخشى يعيــش بســـالفة تهــويدها مــن كِثْــر ما هي طَيّبة يـا للقهــر ... يـا للقهـــر محتـــاج مـَـــرّة نَحْــرَها يلمس شـــرارة كيدهــا ومن كِثْر ما هي عاصفة ليـت البحر.. ليت البحر يسرق هَداوة بالهـــا قبـــل الصّخـــب ويعيـــدهـا ومن كِثْر ما هي كامنة مِثْل الجمر.. مِثـْـل الجمر تَجري الرّياح الباردة عكـــس السُّفــن وتقيـــدها ومــن كِثْر ما هي مؤمنة بان العمر ينقص عمـر دايـــم تِهــَدْهِد عالحيـاة... مـــن الحيـــاة بإيدهــا لـ الرائعة جداً وهج لا اخفيك افتقد هكذا جمال سلم بوحك  | |||||||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
131Likes
