01-30-23, 03:22 PM
| #37 | |||||||||||||
 
| 
لــيــــه ...؟؟ .. ليه السحاب إليا انهمر ينبت احساس وليه الجفاء .... مـا ينبت إلَّا القطيعـه .. وليه القلوب اللي ورا حدب الأقواس عـيـت تـشـابـه فـالـشكـل والطبيعه .. والحب لـيـه الـحـب مـن بـد هالنـاس إسـتـقـبـلـوه بـكـل طـعـنـه شنـيعـه .. وليه الشجر واقـف وفـي جنبه الفاس ولـيـه البـشـر مــا هـده إلّا صـنـيـعـه .. وليه النقاش أصبح يؤدي إلـى الياس ولـيـه الـجـدال بـلا دلـيــل وذريـعـه .. وليه اللغوا في الحق شيطان خناس وليه الـضجـيج أقـرب شبـه للخـديعه .. وليـه الـجهـل دايم يؤدي لـلإفـلاس والعـلـم سـلَّـم للعـلا والـطـلـيـعـه .. وليه الحياء ينذر نواقيس الأجـراس بـأنه أعـظـم مــن رداء الـخـلـيـعـه .. وليه الـحـيـاه أقصر من طلوع الأنفاس وليه الأمل .. والـذنب صـرنـا نـذيـعـه .. وليه الدماء صـارت رخيصه وتـنـداس أشلاء فـي كـل الـبـقـاع وصـريـعـه .. ولـيـه الإجـابه والتساؤل من أمواس ولـيـه التـسـاؤل والإجابه مـريـعـه.؟ .. أشيـاء فـي نفسي ولاهي بتنقاس وشلون لو عديت ما في الشريعه .. هـذا بعـض من داهق الجرح والكاس مـن تجربـة درب الـحـياه الـسـريعه .. طَرَّزتـهـا مـن همَّة الفـكـر والـبـاس لَـعـلَّـهـا تُـغـري الـعـقـول الضلـيعـه .. كأنـهـا الأرواح لا هَـبْ نـسـنـاس تنسى الهموم وكل غـم وفجـيعـه .. عتيم المشرق شعرا | |||||||||||||
| خياآل likes this.  |
|
02-10-23, 08:36 AM
| #38 | |||||||||||||||
   
|
الــبــارحــه والـنـوم مـن دون حـــراس كـن السهر مـن غــيــر مــوعــد نـسانـي غفيت والأحـــلام مــســرى و وسواس عـلـى عـيـون اللـيــل عـــرت كـيــانــي غـــاب الفضاء كــله وراء غيبة الـنــاس وشــــع الـمـنـام بـطـلـتـك يــ أمـــانـــي لـ محتك بثـوب الـفــرح مـالك أجنــاس عيـني سمــاء وإنـتي سـهــيــل اليـماني خطـواتـك تخـيط المســاء بقد مـيــاس نـور/ن دفـن وجـه الظــلام وكــســانـي هــزيــتــي غصون الأمـل وانكسر يـأس ورتــبـي رفــوف الــسـهــر فـي ثــوانـي وجيتك مــشــاعر عــاشقٍ كـله إحساس والتمـتمه : تحــرج فــصـاحــة لـسـانـي ومــن رأس جمرة شوقنا شب هوجاس وقــمـنا إنـتــدفـى بـه قصيد ومـغـانـي وقلوبـنا تـرقص عـلــى لـحن الأعـراس وتطير ( أحــبـك ) بين ســرب الأغاني وفجأة صحيت وفالجفن كسرة إنعاس تقول يـا { خـالد } تـرى الحلــم فــانـي لأخــر نفـس مــن طبطبة باس لا باس لله جـرحـك يــ الــنــصــيــب الأنـانـي دبله مــن الفضة وخــاتـم مـن ألـماس جـرحــيـن للــذكـرى ومـعـنى التـفاني عـذري وعـذر العاشق لـجرحه لـبـاس البشـت والـفسـتان الأبيض وأمــانـي أسـف عـلـى لـيـلـة عمر مالـها سـاس دآم أرتويت مـن العطش ليه أعـانـي هي أمنيه وحدة بقت بـيـن الأقواس بـيـدينـها عـمـري وضـحـكـة زمـانـي يطيب نومـي والمـساء ينفـي النـاس وأشـوف حـلـم الـبـارح بحـلم ثـانـي كلمآت الشاعر : سـرآب آلشِعـر | |||||||||||||||
| |
|
02-21-23, 02:35 AM
| #39 | |||||||||||||
|
فالطريق اللي على وصلك بعد غيبه دعاني خايف من الوقت يمضي والطريق أرهقت طوله ولاوصلت الا بعبره خالجه بين المحاني تحتوي فرحة وصول وشيء مدري كيف أقوله ! في سماك الغيم متماسك بخيط من الأماني كم تمنّيت أوصله هالغيم وأجذبك بهطوله كيف أقول ل مرحباك أهلين وأهديك الأغاني!! وكلّ كلمه لانويت أقولها .. مرّت جفوله الكلام يخاف مايوفي .. نحرك الأرجواني من لبسه العقد وأحرج عاشقك وأربك ذهوله ! ماني امعاتب غيابك لو تلعثم به لساني كل عقده في لقى شمسك وفارعك محلوله .. قبل أشوف النّور ب احضورك وأنا مظلم زماني جابك الله والمكان اليوم في زاهي فصوله وقفتك ! هذي شموخ وفرحتك مسرح غواني وغرهدة يدّيك جابت لحظة الصمت الخجوله .. ( ساعة إحساسك )خذت قلبي على تكّ الثواني مابقى عرق بزفيره ماتنفّسك ب ميوله .. هذي الليله أعيش الحب معك بشكل ثاني كنّ قلبي سامري والنبض من رجفة طبوله ذابت اللحظه على سحر المحبّه بالتفاني واقتبس وجه السحاب (العشب وأحيا له ذبوله ) راشد مقبل ,, | |||||||||||||
| |
|
02-21-23, 02:37 AM
| #40 | |||||||||||||
|
أصَه يــــا رجفــة حــــروفي أخــــاف إنْ للعيــــــون أذان صحيح أشـــره علــى كفوفي وأخـــاف أكثر مـــن الخذلان وأخاف إنّ الظّمـا وصـــوفي ويقرانــي جفــــا الغـــــدران وأخاف أحيان مـــن خـــوفي وأطمنّـــي قليـــــل أحيــــــان ولكـــنْ كامـــل ...وقـــــوفـي وأطيح إنْ طحتْ أطيح إنسان أجــــي مــــن حــــدّة ظروفي أُمومـــــة تعشــــق الكتمـــان أحــــطّ الحـــــزن بــــرفــوفي وأرفّ بكبــــريــــا الجنحـــان أنــا والبــــرد فـــي جـــــوفي أجــي مثــل الدّفـــــا تحنــــان أنا لـــو مـــا المطـــر يـــوفي أصيـــــر الغَــايـــــم الهتّــــان وأنــــا المتـــورِّط بشـــــوفي وأشــــوف بكــامــل النُّقصان // صوتي يضيع بهالمــدى فـــي مسمـع الجمهـــور ! ما عانق إحساسي صدى ولا لصـداي ... شعــــور ! ويـلاه يــا غصـــن النّدى مــا جاملــــك عصفـــور ! وَهَـــج | |||||||||||||
| خياآل likes this. |
|
02-21-23, 02:39 AM
| #41 | |||||||||||||
|
كل ما قلت الظروف إلّا تزين قالت الدنيا الحقيقه موجعه شوفني يا وقت من حزّتْك لين معمع الفوضاء وانا في معمعه لو تميل القاع ما مال الرّزين غير مال اللي ظروفه تردعه قلت انا ماني من المستهترين قالت ادري/ قلت حسّك م اسمعه ليت ودروبي دروب الياسمين كان مرّيت الشتات .. آجمّعه وازرع لعينك عيوني زهرتين ما سقاها إلّا القراح بمدمعه غير انا دربي ضياع الغافلين ليت لو انّي قدرت آسنّعه حدّني ليلٍ هدب عينه حزين خاب ظنّه والمبادي تخدعه فيني من الشوق شوق الراحلين غير شوقي قال ما فيني سعه كل ما قلنا حبايبنا تلين مزّقت ريح الظروف الاشرعه يا حبايبنا ولو نبض اليقين مرّه من الشك .. شك يروّعه لا تغلّوا للقاء كف ويدين ولا تقضّوا للمولّع مضجعه هاتني لك يا حبيبي جملتين عاشقٍ تاه .. وحبيبٍ رجّعه طالبك بعض الدجى للحالمين وانت بإيمانك أزلت الأقنعه لو رحل عنّك عتيم المرهفين لا تصد .. ارجوك تكفى تسمعه مقفيٍ بينه وبينك خطوتين يلعن الله كل خطوه تمنعه والله انها لو تمرنّ السنين دوني ودنك حبيبي مسرعه لا انتظر ظلّك ولو ظلّك وهين وانتظر دهر وثلاثه واربعه لا تصك الباب في وجه الحنين وكان جاك"ارجوك" قم وقف معه إي والله .. ( معه ) إلى هنا .. عتيم | |||||||||||||
| خياآل likes this. |
|
02-26-23, 12:05 AM
| #42 | ||||||||||
  
|
ازرعي الأَحْقَاف ورداً وَسَنَابِل وتعالي فِـي مَعِـيٍّ العابـرين اعصري الغيماتْ عطراً وبلاَبل وَتَوَارِيّ فِـي ثِيَابِ السَّائِلِـين مَزقي الاشوق وَأَرْمِي كُلُّ حَائِلٍ واجعلي الْأَقْدَارَ نوراً مِنْ مُعَيَّنٍ أَطْعِمِي الْأَحْلَام إحْسَاس التَّوَاصُل واحضني الْآمَال صُبْح الشَارقين سَافِرِيّ فِي كُلِّ أَرْجاءِ التَّطاوُل وامسحي شُؤْم التَداّري وَالْحَنِين الثمي العُناب واَسبيه التَّثَاقُل وامطريِ الْأَعْنَاق مِن فيّ الْوَتِين أَنْت ِ بضعاً مِنْ خَيَالٍ وَتَغَافَل أَنْت ِ إحْسَاس التَّوَارِي وَالْأَنِين أَنْت ِ اسْفَار ومَحْطات قَوَافِل أَنْت ِ أَرْضٌ وَمَكَـان وعَـرين أَنْت ِ غَيْث أَنْت ِ حَلَم وتساؤل أَنْت ِ إيمَانٌ الْحَقِيقَة وَالْيَقِين لَسْت ِ رجمـاً لَسْت ِ نَائِـل لَسْت ِ مَنْ رَجَـعَ السِّنِيـن أَنْت ِ كـلٌ أَنْت ِ كَامِـل أَنْت ِ أَصْـل أَنْت ِ عَيْـن لَـو تَحْـدّث عَنْـك قَائِـل ضَائِعٌ حَتَّى وَلَوْ يَحْكِي سِنِين متأمل | ||||||||||
| |
| إضافة رد |
| مواقع النشر (المفضلة) |
| أدوات الموضوع | |
| انواع عرض الموضوع | |
| |
 | أصدقاء منتدى مسك الغلا | | |||||
131Likes
