|
اقتباس:
اتفق معاك وانت بمرحلة خالد المنيف الملكية الموضوع هو مجرد نقاش مبني ع رؤيتك ومفهومك وانت من اللي مكبرين دماغهم والاسباب كثيرة الوعي والتقبل والتجاوز لنقل انك وصلت لها بـ التجارب ولكن هل مرحلة السلام اللي انت فيها نابعة من القلب أم انها مجرد تسليك لنجاة من مزالق الاختلاف؟ ممتنة لمرورك |
حرام عليكم ...مع احترامي لكم كلكم من الموضوع إلى الردود ...أنتم لا أنصح بمجالستكم ....ولا أنتم عرفتونا على أنفسكم ولا حنا عارفينكم .. مش معقول اللي جالس اللي أسمعهم منكم وكأنكم منتم شايفين أحد موجود في المجلس غيركم .......... فقط ( سهيل ) في هذا المجلس فاهم الناس اللي حواليه وحنا فهمناه ..... |
الأذن تميل للكلام الخفيف السهل ....وتستمر للاستماع له ..... أما غير كذا تحاول تصبر عليه مرة ومرتين وثلاث ... لكن في النهاية يصيبها ملل ثم تسحب نفسها وتبحث عن شي ثاني ....لأن لوي الكلام بشكل غير مقبول يعتبر منفر للمستمع ..كما هو المشاهد الآن .. المهم ركزوا على اللي يسمعون كلهم ولا تركزوا على واحد واثنين وثلاثة من الحضور ....لأن الناس كلها تحب تسمع لكم .. ... |
اقتباس:
هذي المرحلة عند كثير من الناس تكون من بداية شبابه .....لأن هذي الصفات طبع فيه ..ومش مكتبسة ....وهذي نعمة ... اما اللي يصل لهذي المرحلة بعد الكبر ..فهذا لأنه أصبح عاجز عن المناكفة والمهاوشة والأخذ والرد على الرايحة والجاية .... خلاصة كلامي : المرحلة الملكية غير مكتبسة .... ومش بسبب تجارب ولا كبر ولا غيره...والمثل يقول أبو طبيع مايترك طبعه ...... فقط كل مافي الأمر انه لما كبر في السن بدأ يطنش لأنه قَل وخف ونزل نشاطه وحماسه القولي والفعلي مع الناس .. .... |
بعض الرجال كبير في السن وله تجارب في الحياة ..ولكن ماتسرحينه في غنم .... رأيه ناكس ومن جنب القده .. ...وتلقينه بطريقة غير مباشرة مسبب مشاكل كثيرة عند أهله وجماعته بسبب فكره .....والكارثة تلقينه من أعيان العائلة او بمعنى آخر عضو من أهل الحل والعقد عند جماعته ....!! وفي المقابل شباب في وقتنا الحاضر عمرهم في العشرينات أفضل من كبار السن بمراحل كبيرة وكثيرة .....في الفكر وفي التسامح وفي وضع الأمور في موضعها الصحيح ..... أنا لو الأمر بيدي ....كثير من كبار السن ماخليهم يتصدرون مجالس الصلح والفصل بين الخصوم ....لأن كل واحد فيهم يهمز ويلمز بكلام مال أمه داعي ..وكله بسبب العصبية والعنجهية اللي ماسكة معهم من أيام شبابهم .... ياعمي مافيه أفضل من الشباب لأن واعي وفاهم وماعنده تعصب ولا كلام فاضي ...بشكل عام .... والمشكلة تلقى كل شايب يجلس يستنقص من شباب اليوم ....وحاط نفسه هو السوبر هيرو ايام شبابه .....!!! بالعكس الشباب اليوم متحمل مسؤوليات أكثر من الشيبان أيام زمان ......الشاب الآن عنده مصاريف كثيرة مابين فواتير وسيارة وشراء أرض وبناء بيت وصرفية مستشفيات وعيال في المدارس وجيب وحط ...واشياء كثيرة ماتخلص ....يعني مش مرتاح البال ... والشايب أيام زمان فقط المسؤول عنه تأمين الأكل فقط ..رز وتمر وطحين ..أما الماء الحرمة هي تدبر نفسها ....وماعنده لا فواتير ولا يشيل هم شراء أرض ولا مصاريف عياله في المدارس ولا يودي أسواق ولا ومدارس ولا أي شي ........وباقي الأمور راميها على الحرمة تكرف كرف الحمار ....يكفي انها تسوي بيت الشعر بنفسها من شعر الغنم اللي عندهم ....وهي اللي تبني بيت الشعر بعد ماينتقلوا لمكاني ثاني ... ثم تلقى بعض الشيبان في وقتنا الحاضر في المجالس يقلل من شباب اليوم ويجلس يمدح في نفسه أيام شبابه ..!!......رغم ان كل المسؤولية حاطها على ظهر حرمته ... أيام زمان من وجهة نظري الرجل هي الحرمة ..... ( طبعًا أتكلم عن البعض مش الكل ) .... |
اقتباس:
والمرحلة التي يتحدث عنها المنيف إن كانت موجودة فهي كما قال عنها أخي الخواف مرحلة هروب ولا أراها مرحلة انسجام أنا ضد هذه العبارات كـ ارحل وتغافل وتغابى كأسلوب حياة لأن من يلجأ إليها سيجد نفسه وحيدا الإنسان ممكن يكبر راسه في موقف ويتجاوز آخر ويتغافل عن ثالث لأسباب يراها من وجهة نظره لا أن يكون ذلك أسلوب حياة لا أخفيك أنني قرأت كذا صفحة من كتاب المرحلة الملكية ثم ركنته على الرف كثير من مؤلفي الكتب اعتزلوا الناس وتفرغوا للتأليف والسناب وما شابه وكلامهم من وجهة نظري منقول عن الكتب وليس من أرض الواقع لكي تستبقي محبة الناس لابد أن تُجالسهم وتسمع لهم وتصبر على أذاهم ما قلته أختي أمل يمثلني منذ أن كنت طفلا وحتى اليوم أجلس مع الجميع واستمتع بمجالسة الجميع حديث بدون فلاتر ولا تصيّد ولا هيمنة من القلب للقلب ولا يخلو من مُراعاة خواطر الناس وأحوالهم دمتم بود |
| الساعة الآن 11:59 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا