؛

يقولون قاسي قلب واقول لا والله
ولكن علاج الصده ان طالت الصده

انا ويش اسوي ذا خفوقي وذا مبداه
اذا حب من جده واذا صد من جده

..

؛

سهله طواريك بس الصعبه اقناعي
لاني عذرتك قبل هذي كذا مره
.
لاعاد ترسلي اشيا مالها داعي
الحب لازاد بـ احساسه كبر شرّه

سلم عليك وروح دورلك شبيه
انا تعبت اقول ذا المره سماح

ان جيتلك اجيك وقت اللي ابيه
وان رحت منك لا تقول شفيه راح

واذا الفراق سلاحك فراقك نبيه
مافيه حب تحت تهديد السلاح

من يفلت النادر وهو مابين اديه
معاد يرجع بالمدامع والصياح

مافيه شي يبقى على ماهو عليه
حتى الجبال الصم تنحتها الرياح