منتديات مسك الغلا

منتديات مسك الغلا (/vb/)
-   همومنا ومشاكلنا وإحتياجاتنا الشخصيه ( مشكلتي ) (https://www.al2la.com/vb/f77.html)
-   -   تأخر زواجي (https://www.al2la.com/vb/t124620.html)

مشكلتي 11-24-22 10:20 AM

تأخر زواجي
 
اعيش بنوبه حزن وغصه بالقلب لان زواجي تاخر تجيني حاله غريبه لما اسمع احد بيتزوج واضطر احسدهم بدون قصد والله💔قربت الثلاثين وولا احد تقدم لي طفشت افكر اكلم شباب لعل واحد فيهم يتزوجني واخلص من ذي العقدة لان كل يوم اصحى على امل ان احد بيطق باب بيتنا ويتقدم شفت شاتات كثيره تنصحوني اكلم انا بنت منغلقه ومادري عن الدنيا حاجه ولا عن الناس هل اقدر اجيب زوج من شات او بشكل عام من كلام الواقع كل يوم اتحسف على حظي كان نفسي اتزوج صغيرة وعيالي يصيرون قدي لكن ماتزوجت

مسكك الغلا 11-24-22 10:35 AM

عزيزتي الزواج قسمه ونصيب ..

الخيرة فيما اختارة الله .. وانتبهي من ذلك المستنقع

انتظري نصيبك ونصيحة لك .. لا تستمعي لكل مايقال في الشاتات فترخصي نفسك حينها ستندمين اشد الندم ..

امرنا مكتوب منذ ان كنا في ارحام امهاتنا ..

وثقي تماما ان امرك بيد الله .. ان كان كتب لك الزواج سوف يتم
ذلك مهما كانت الصعوبات فلا صعب امام الله ..
وان لم يكتب لك الزواج فلن تتزوجي وان كان الخاطبون طوابير امام بيتكم لذا ..

اريحي بالك وتقربي لله اكثر وابتعدي عن الشبهات كي لا تقعي
في مستنقع تندمين بعده اشد الندم

امرنا بيد الله سبحانه وتعالى

بنت ابها 11-24-22 10:39 AM

لا لا لا لا انتبهي يلعبك الشيطان تعوذي من ابليس
ترى الزواج مو جنننه لايضحكون عليك
واللي بتتعرفين عليه من الشات إستحالة يتزوووجك انتبهي لا
واذا لك نصييب بتاخذينه واجمل سن للزواج ترى بعد الثلاثين
استمتعي باياممك ترى العرس مو كل شي :pv503112:

العنقاء 11-24-22 12:09 PM

:MonTaseR_95:

لا دخلت الشات بتضيعي ياعيني مش تتزوجي :MonTaseR_95:

الحين بالكاد تلاقي شخص يتحمل مسؤولية بيت لذلك

لو مالقيتيه بأرض الواقع ماحتلاقيه بالشات والمواقع :MonTaseR_95:


استهدي بالله كملي دراستك لو قدرتي لو ماقدرت ادخلي باي معهد ادرسي الين تموتي مافي مشكلة حاولي تشتغلي بشغل يناسبك اتركي لك اثر طيب بالحياة كذا عشت الحياة صح

الله ينور دربك :x117:

صعفق طاش كندي 11-24-22 12:20 PM

غريبه..

الحين على قولتك تكلمي شباب على امل انه يتزوجك
طيب لو سويتي هالشي هذا .. على اتفه مشكله بيقولك
تراني منقزك من الشات
وحصلت كثير.. بالعكس راح تكرهي حياتك


المشكلة الوحيدة عند الاغلب
مافيه يقين عند اللجوء إلى الله
مافيه حسن ظن.. وايمان بالفرج
تلاقينا نتخبط يمين ويسار تايهين ظايعين
وهذي الحالة الافضل لابليس
يبدى بهجوم كله شمال .. يوديك للشات
ويوديك لأم زينب لجلب الحبيب
ماتدرين الا انتي مخربه امها وجايبه العيد بنفسك

والحل .. اللجوء إلى الله
اذا قررتي تلجأين إلى الله .. ابليس يبدأ هنا يخليك تيأسي
ويبدأ ييأسك وتجيك وساوس .. لك مدة تدعين وماجاك عريس
خشي هنا وسوي كذا ومن هالوسوسه

وانتبهي من هذي اللحظة.. اذا قررتي تتخلين عن اللجوء إلى الله
تلاقي نفسك عند ام زينب تعطينها اوصاف العريس


لازم تؤمني بأن الخيره فيما اختارها الله
تأخر نصيبك لسبب يعلمه الله

رددي دائما .. لعلها خير

الحوقلة .. والصلاة على النبي .. والاستغفار
وتاج الذكر .. والتسبيح

صدقيني لو استمريتي عليها بحول الله وقوته
راح يعوضك ربي خير

بس الجأي لله بكل ضعفك وقلة حيلتك
وبإيمان انها بتفرج مع اليقين ان ربي بيعوضك خير
وإن ماحصل لك من تأخير هذا لحكمة عند رب العالمين

لاتحرقي نفسك بالهم والتفكير

التزمي الذكر.. والله على الانفس بصير

ولاتنسي الوتر.. الثلث الاخير من الليل والضحى

عسى الله يرزقك بالعريس وبالذرية ويريح بالك

غَـزل ، 11-24-22 12:36 PM

'



اولاً ياحبيبي اذا حياتك منغلقة لا تهربي منها عن طريق الزواج
لان ممكن يجيك شاب منغلق اكثر من الحياة الي انتِ فيها
انا ما ادري ايش تفاصيل حياتك ! وكيف وضعك مع اهلك !
بس الي فهمته انك ودك تهربي من وضعك عن طريق منفذ الزواج
الزووواج عاالم اخر ومسؤوولية مو مثل ماتتصوري
حتى لو بيصك عمرك 30 مو عيب اذا ماتزوجتي .. هذا العيب صورة اغلب المجتمعات للأسف
وماودي اقول عيشي حياتك واستمتعي لان ماعندي علم بتفاصيل حياتك
لان مثل ما الزواج فيه ايجابيات فيه سلبيات ومافي حياة كاملة
لكن خلي دائماً الدعوة ع لسانك ان الله يرزقك بزوج الصالح هالدعوة لا تغفلي عنها ابداً
ولا تخلي هدفك الزواج فقط بالحياة قدامك وحتى لو يصك عمرك 40 اعتبري نفسك صغيرة

وانتبهي الطفش والانتظار يسحبك الى المواقع وتتعرفي ويوهمونك بشي :210:
لانه بيستغلون وضعك وفي كثير مايخافون الله وياثرون عليك بكم كلمة

اذا انتِ بمدينة ساكنة ابحثي عن وظيفة واطلعي من المحيط الي عايشه فيه انتِ
استمتعي بعزوبيتك وطوري من اهتماماتك :MonTaseR_209::Dl3:
والاهم ادعي بزوووج الصالح فقط واتركي الباقي ع الله سبحانه مدبر الامور


الساعة الآن 06:26 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا