بيت شعر تتمنى انه لك (تجديد) - الصفحة 51 - منتديات مسك الغلا

**ريما عبدالله 20** · 02-28-23, 03:51 AM

يارب ثبــــتنا على دين الاسلام
يوم البشر هالوقت زلت خطاها

ثم اكفنا شر الليـالي والايـــام
واكتب لنا خير الحـياة ورخاها

**أوتار الأمل** · 02-28-23, 04:33 AM

ملامحك تلبس وجيه العابرين
وصوتك العابر في خناجرهم صدى

وحدم زحام يطوّق الدنيا حنين
ووين مالدّيت شفتك لي مدى

**ب د ر** · 02-28-23, 05:09 AM

كم مبعدن صورته بالعين لماعه
وكم من قريبن كنه شى لا يذكر

**طاغي النظرة** · 02-28-23, 11:32 AM

!

فمان الله ياحبً عظيم بخافقي مدفون..
‏فمان الله يا جروح الحشى لو كنت ذاكرها

**بنت أبها** · 02-28-23, 11:41 AM

ودّنا بالطيب بس الدهر جحّاد طيب
‏كل ماتخلص مع الناس كنك تغشها
‏يدك لامدت وفا لاتحرى وش تجيب
‏كان جاتك سالمه حب يدك وخشها

**طاغي النظرة** · 02-28-23, 11:43 AM

!

انا عايش على ذكرى تخليني اسير ظنون..
‏تسامرني نجوم الليل من شوقي واسامرها