الكلام اذواق والذوق يبغى له نبيه
يدري ان ما كل كلمة موده لايقه

مثل بيتٍ فيه قوه وبيتٍ لك عليه
مايفرّق في بعضها عديم الذايقه.

غلاك في قلبي .. معتق من سنين
ما يوصفه كاتب و راوّي و شاعر .

يا ويل قلبي منه ما يسمع الشور
ما يسمع اللي فيه يشكي غرامه

أشرح ضروفي له وأقول مجبور
يضحك ويتباها معي في كلامه

لجله كتبت أشعار صفحات وسطور
وغنيت له على العود ابين غرامه

أول /

أموت إليا غدر بي صاحب ..!
وأبكي إليا طعني ووُسّم ..!

والحين /

لا أبكي .. ولا .. الوجه شاحب ..!
لا طاح من عيني صديق .. أبتسم ..!

ياصاحبي بعد ذكر الله وذكر الرسول
ترى الميانه مضرة لا انفتح بابها

باب الخروج اعرفه قدام باب الدخول
واللي بصدرك مخازن صدرك اولى بها

لاتندفع خلف رغبات الثقة والفضول
اسرارك اسهوم ترميها وترمى بها