مكتفي فيك حتى في غيابك
ما سمحت لـ غيرك يملي مكانك

من عقب ماراحوا اللي يسرون العيون
‏كل ما افقد شي اردد فقدت اللي اهم

‏إخطفتهم من يديني مقادير وضنون
‏خل وقريب وصاحب ومزبان وشهم

‏كل ليل اقول بكره بعد بكره يجون
‏وكل صبح اقول هذا الحكي كله وهم

‏فاهم طبع الليالي ومتشبع طعون
‏بس كيف افهم القلب عيا مافهم

إحذر تغش الناس لو كان غشوك
غادر بصمت وخل خاطرك صافي

والدرب خله سمح لا تزرعه شوك
يمكن يجيبك يوم ... وتمر حافي

أنا لي في الله حسن ظنّ ورجا وآمال
‏كأنّي أشوف أقداره البيض .. قدّامي

يا إلهي .. لا تدع قلبي رهين ذنوبي
ولا تذرني فرد بين العالم المنجنه

ولا تكلني نفسي اللي ماتدل دروبي
كل ما ارشدها لدرب الرشد صدّت عنه

إلطف بحالي لا حط ابليس دوبه دوبي
ياما صدقته و انا اكثر من تعوذ منه