‏"يأتيكَ بالودِّ مَن تنسى مَوَدّتُهُ
‏وَمن تودُّ وِدادا منهُ ينساكَ"

النفس لاطابت وقنعت من الشي
صعب يجي بعد القناعة .. قناعة ..

'





وجهٍ... تنفس به صباحٍ... من صباحات الشمال
اصفى من الطيبه بياض..ان ما تنرفز احمره

ياموت دور من قريبين الاشباح
واخذه محل بداح وبداح خله
وان كان ماانت برايحٍ غير ببداح
خذني معه وش عاد انا قاعدٍ له

واخوي ياللي يم قارة خفافات
من عاد من عقبه بيستر خمالي؟!
ليته كفاني سو بقعا ولا مات
وانا كفيته سو قبر هيالي
وليته مع الحيين راعي الجمالات
وانا فدا له من غبون الليالي
واخوي ياللي يوم الاخوان فلات
من خلقته ما قال: ذالك وذا لي