!


فيني قصيد ، ومستحي منك ياليل
‏مشغلك دايم في مواجع .. قصيدي!

‏أنا ماني شاعر يجر المواويل
‏ولا اشغل العالم بضجة .. جديدي

‏أشعل لنفسي في حضوري قناديل
‏مبطي وأنا بين القصايد .. وحيدي

‏أكتب عن الماضي وحلم المقابيل
‏وأكتب ليا زاد التعب في .. وريدي!

!


لا بد ما تصبر على كظمة الغل
اللي تحسس ما تعدا محـــــله

ما فيــــه عز الا وهو سابقه ذل
العــــز يولد من بطون المذلـــة

حبيت اسلم واعرف اليوم وش حالك
من باب حق الوصال وقدرك الغالي
وبعد السلام وسؤالي عنك واحوالك
كنت اتمناك لو تنشد عن احوالي!