.

م جيتك اشكي من صواديف الايام
‏جيت ب شموخ العاطفه والشهامه

‏اذا تعلق فيك ' قلبي ' م يلام
‏اعلن بعد شاف العيون انهزامه


.

،.

أنت هدوء الجو وبرد الشتاء
وأنت السحايب اللي تحليّ أيامي ..!!

،.

يا ذراي وعزوتي لا قيل منهو لك ذرا
يا طهر أهل الارض ويا نسل طيب المجاني

يا شبيه الدّيم لا حوّل على وجه الثرى
يا رِضَا عمري علي ويا كرم يمنى زماني

يومك لحالك هواي ولا معك في خشْرى
كيف ما أعدّك نعيم وانت بعد الله أماني ..!

متنك اللّي من دفاك يطيب لعيوني الكرى
كم مسح دمعة شقاي وكم به حزني جفاني

ما عرفت الحب قبلك لا ولا قبلك طرى
ما ملى عيني سواك ولا ارتضيت إنسان ثاني

حُبّك اللّي في ملامح وجه خلّك ينقرى
لا حضر لي طيفك العذب ونطق أسمك لساني

علّم اللّي يعذلون وعلّم اللّي ما درى
أشهد ان الله فيك اختصّني والله عطاني ..!

اشتاق لك واجبر الشوق بالصمت
وعمر صمتي م كان معناه نسيانك