|
إن رضيت بشيء .. ما أرضى مخافه ما أقبل أنصاف الرضا في كل أموري .. و إن رفض قلبي وعاف الدرب عافه ما أجيه بنص خطوّة من عبوري .. الوداعة و السماحة و اللطافة هذي أصدق مازرعته خلف سوري .. والسكوت إن حمّل ضلوعي كلافه بيض الله وجهه بغيبة حضوري !! |
بتعيش و تموت ماشفت الخطا منّي ارقى عن الهون وأخلاقي بعد ترقى .. لا عاد ترسل .. مراسيلك و تحزنّي من يبغي " القرب " مالمّح على الفرقى !! |
لاصارحظ أقشر والأيام قشرى ‼️ مافيه أحد عاقل يلومك إلياضقت صحيح بعض الناس فرقاه بشرى وبعض البشرلاغاب ليله تضايقت لـِ شاعرها متعب التركي |
لا تنجرح مني إذا قلت ما أبيك وأنا مقدر جيتك مع اعتابك أوعدك لامن غبت ماني بناسيك عاد أنت يالله حان موعد ذهابك ما هو كبر مني يوم إني اخليك خايف أحبك وأبتلش في غيابك : :ورده: |
الغلا قلّت ملوُكه وكثرت عبيده لين راحو مداغيش النشاما حباريّ |
اعرف مقدري وسط كـل مجلاس والصمت حافظ فالقلوب اعتباري ماني بـ لا فكره ولاني بـهوجاس وماني بـشيٍ فالحياة اختياري إما أجي عـزٍ .. تبـاشر بـه النـاس ولا يكفي عن حضوري .. اعتذاري ! |
| الساعة الآن 12:46 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا