انصدمت منه!!!
 

ودي ابكي باعلى صوتي حابه شخص من طرف واحد وهالشخص مايحس بمشاعري هو بس يشوفني كإعجاب وصديقه يوميا نسولف مع بعض لكن انقهرت دايما لما يصير خلاف ونرجع يكتب لي لما تروحين و تودعيني اخاف تعلمين علي بشكل مزحه بس انا حساسه اخذ كل شي جدي ورديت كتبت له واذا علمت عليك واهلي عرفو فجاه يرد علي ويكتب راح اهرب يعني مايواجه عشاني ويشرد بدون نقاش واخذ وعطا انا حز بقلبي وزعلت وفكرت اتركه وللابد واخلي هالعالم وهالطريق وانتبه لنفسي بس انا ملتزمه مع هذا الشخص ومع غيره كثير ضايفه ببرامج بس ما اسولف معهم بس كذه ادمان اضيف رجال ودايم الوم نفسي وحياتي وعمري الضايع لكن بحس ان حياتي انرسمت على هذا الدرب واحساسي بخوفي من ربي واحساسي بالضعف لكن مقهوره جدا انا من هذا الشخص ياريت اكون قويه وذات اراده قويه انا الوحيده من بيتنا اكلم رجال يمكن احد داعي علي

لا تقتلي إحساس الغزل فيك مع شخص لا يستحقك
لأنك غداً ستتزوجين وتعيشين بدون إحساس

نصيحتي وفري إحساسك الجميل للحلال لأن الحرام لا يدوم

ذكرتيني بوحده نفس مشكلتك ذي..
نصيحتي اتركيه واحذفي البرامج الثانيه الي ضايفه فيها رجال..
افتحي صفحه جديده بحياتك مختلفه كلياً عن حياتك الاوله..
مارح تنسيه بسهوله بس الوقت كفيل ينسيك حبك له..
اول شي قبل تفتحي صفحه جديده بحياتك توبي لربك لان الشي الي تسويه غلط ومايرضي ربنا..
صدقيني رح ترتاحي كثير.. صح بلاول رح تحسي بفراغ كبير في حياتك بس مع الوقت رح تتعودي واشغلي نفسك باشياء تفيدك..

الله يهديك ويسعدك دنيا واخره..

هو داخل يلعب تلاقيه زيك عنده هوس يضيف ارقام بنات
ويدردش معهم :icon10: كيف تاخذيه على محمل الجد وبدك ترتبطي فيه !!!


كل شيء قابل للتغير. وكل شيء قابل للتبديل

بدلي هوسك بالرجال بهوس حلو ومفيد لك

ابدأي صفحة جديدة فكري بكرة لو تموتي بالله ترضين احد يفتح جوالك ويكتشف بلاويك ولا كيف تقابلي ربك ؟!!

ويش ينفعوك دولي ؟!! كذا كذا شعورك بالوحدة والوحشة ما تغيرت بتواجدهم !!!

كونوا رجال
لاتسرقوا القلوب.. وتتركوا لنا الأجساد

من هذي المقولة نعرف ان فيه بنات سرقوا قلوبهم انذال متلاعبين.. وعندما تزوجوا اصبحوا مجرد جسد بلا روح ومشاعر
لان فارس الاحلام سرق القلب وكم هدية وكم قرش
واختفى مع الريح
والبنت اظطرت انها تتزوج ولكن بلا مشاعر

ترى هذي قضية مهمه لكل بنت من وجهة نظري

بغض النظر عن الموضوع اللي ناقصه مخرج هندي
لان اتوقع اللي جالس يكتب مثل هذي المواضيع شخص واحد
نفس السيناريوا والحوار

بعض البنات تتورط بعلاقت حب ��
وبالأخير تنصدم نفسيا
هي ترسم آمال وطموحات زواج بيت عيال
والخبيث.. له مآرب اخرى
فيقوم يختفي فجأة.. اما بعد مايستغلها ماديا
او علا قولة بعد ما أكلها فطير خلاها تطير

ف يجيك واحد يدودل براسه مع ابوه يروح يخطب
ويتورط..
لأن الفرس ماتنسى خيالها الأول مهما كان حتى لو كان يجلدها
فالزوجة تكون مصدومه نفسيا.. من النذل الأول
واللي يتزوجها يورط بتقلباتها النفسيه

الموضوع خطير .. انتبهوا يابنات
نصيحه لاتسلموا قلوبكم الا في ليلة زواجكم

ابكي مين مانعك تبكين
رغم تكرار الفكرة
الا انها حقيقة
الحب من طرف واحد إستنزاف
واللي قاعده تسوينة
عداد ذنوب تحاسبين عليه
لذلك صارحيه انك تحبينه
من شأن يصدم مخك وتصححي أخطائك
والرجال اللي أنتي ضايفتهم
تدرين ان احد اعظم اسباب الاخفاق
بالحياة هي ذنوب الخلوات
لذلك رتبي هالجانب
وراح يصلح حالك بمشيئة الله