النفس من جور الليالي حزينه
والهم خلاني بلا أية إحساس

قلبي يون وما ألتفت لونينه
وافكاري المُره بقت داخل الراس

صارت حياتي للأماني رهينه
وياليتها جتني بلا شر أو باس

أبشّرك* يامن تقولين وينه
شاعرك مرمي في دهاليز الأتعاس

إما عطيتي سلوته في يمينه
ولا أتركي قلبه يصاليه وسواس

مسكين ذاك اللّي إغّدرت به سنينه
ماشاف غير الحزن من أقرب الناس

جاني يقول أكّتب شعر لجل عينه
وشلون أبوصف لمعت(ن) مثل الألماس

لكن أبكتب في تفاصيل زينه
وأهمها قلبه رقيق(ن) وحساس

وشعوره الطاغي سما في حنينه
ماله شبيه من المخاليق ينقاس

يارب ... هذي عند عبدك ثمينه
يارب .... تعلي شانها بين هالناس

اهلا وسهلا بك اخي الغالي سهيل

وطبعا لا يجمل ماكتبت الا تواجدك واريج حرفك

وصح الله بدنك وشكرا الف شكر


على كرمك وختمك وتقييمك

ربي يسعدك وييسر امرك

صح بدنك ياجودي

الله يسعدك على تواجدك الراقي والمحبب لقلبي

شكرا ولا عدمنا تواجدك