|
دافع معنوي لو يستبيح الخوف ذنب المستحيل ماكان للانجاز .. دافع معنوي كل الكلام اللي على بالي يسيل اقسى من الخذلان قدّام الخوي يا صاحبي ماني قوي وْلا ذليل الوقت ما خلّا ذليل وْلا قوي من جيت للدنيا وانا عابر سبيل الذيب يسعى والمقادير تْعوي جيت اشتكي وانت الضما والسلسبيل اثر المدامع من بَعَضْها ترتوي وش يمعنك يا ناعس الطرف الكحيل وانت البقايا في معاليق بدوي الغرّة اللي بين قوسين وجديل سنّدتها لليل والليل سروي كيف اتفيّا فيك يالرمش الظليل والنار ثلثين الخفوق المهتوي يا عين مالك لا خشير ولا بديل انتي سكوتك موت وعتابك كوي من ليلك المنثور للخصر النحيل عمري فدا عودٍ ليانه منزوي اشتقتلك والشوق من هذا القبيل الفضفضة صادق شعور الفوضوي لا تشكر الشاعر على الشعر الجزيل اشكر غياب اللي غيابه نخبوي - أحمد صالح البحّا:نبض: |
ابيات جميلة سلمت اناملك على النقل الجميل |
اختيار مميز كعادتك اختي امل شكرا على رقي ذوقك |
|
الشكر لكم يارفاق |
| الساعة الآن 12:16 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا