’*

جيتني جبر في عز انكساري
…......... والرجا فيك ماغادر محله

من همومي خذيت اليوم ثاري
…......... و اشتفى خاطري من زود غله

ماشكى ملتفت لك للعزاري
…......... واحد لاندهته جاك كله

ي أول العمر يا آخر مساري
…......... وصفك العذب حرفي مايمله

جيتني حلم فيك افرح واماري
…......... والمشاعر بقربك مسفهله

يوم غيبتك ساقت لي طواري
…......... كانت العام عني مستقله

لين ماصرت من طول انتظاري
…......... أعقد الحزن بغايبك وافله

اكتم البوح في صدري واداري
…......... خايفه الناس لو جرحي تدله

لكن اليوم يانوري .. وناري
…......... انزع الصمت من حرفي واتله

وأشعل البوح لجلك بإختياري
…......... يوم الاحزان عني مضمحله

انتشت منك ريضان الصحاري
…......... والوفا فيك ياخلي جبلّه

جيتني جبر في عز انكساري
…......... والأمل فيك ماغادر محله ..!

:

" "

هكذا النرجسيه اطلالتها بهيه
ومشاعرها نديه وحروفها عسجديه
تجيد العزف على اوتار الأفئدة . بسلطنتها المتفردة
ابيات سلسه وجميله في معناها ومبناها
صح فكرك ولسانك. ودام انسكاب عطر قيفانك


لقلبك طهر المطر

ي أول العمر يا آخر مساري
…......... وصفك العذب حرفي مايمله



أبياتّ تسكنها جمالّ المشاعرّ

صح بوحكّ ودام حسكّ