منتديات مسك الغلا

 


Like Tree3Likes
  • 1 Post By أوتار الأمل
  • 1 Post By الفيفي2017
  • 1 Post By أوتار الأمل
إضافة رد
 
LinkBack أدوات الموضوع انواع عرض الموضوع
قديم 01-28-23, 12:50 AM   #1
أوتار الأمل

الصورة الرمزية أوتار الأمل

آخر زيارة »  02-29-24 (09:58 PM)

 الأوسمة و جوائز

Icon N13 الضيقة اللي دايمٍ تالي عصير ..



:

الضيقة اللي دايمٍ تالي عصير
وش حيلتي وأردها لا تجيني

لا طال ظل العود حزة عشى الطير
كنها على سجن الحديد تحديني

يضيق صدري كل ما جات وأسير
ولايخفف سوج رجلي حنيني

لا حولنا مشراف ولا اقدر اطير
يالله قسمة خير لا تبتليني

وعقارب الساعة توقف عن السير
ولاكن في الدوحة سواتي حزيني

والعبره اللي تاصل الحلق وتحير
يا قربها لو قيل لي يا عويني

أمل شوف الناس ورد ومصادير
واللي يقول اشفيك كنه يهجيني

يعني على ما قيل من باب تصوير
( لاحدٍ أبي قربه ولا أحدٍ يبيني )

أروح أدور خط مابه دواوير
وأدور اللي هادها تهتديني

وآخذ مع الهاجوس سجة وتفكير
وأراجع اللي فات بيني وبيني

وأحسب ذنوبي وأدور التكفير
عساي ما قصرت في والديني

وعساي ما قارنت من ينفخ الكير
واللي يحمل المسك جعله قريني

ويطري علي يوم الحشر وأطلب مجير
ما أعطى كتابي في شقيقة يميني

ويطري علي صدقان كثر الدنانير
اللي اتعاديني إلا كثر ديني

وراعي الهروج اللي سوات المناشير
أصد عنه وأدري انه يعنيني

الله حسيبه يوم عرض القواوير
والله حسبي من صواب مكيني

وإلا طرالي واحد كانه اصغير
أم أصغر بيومين ولا سنيني

دريت وش قومي وعينت تفسير
للضيقة اللي من زمن تعتليني

حبه بصدري سالفة سر في بير
وكن الفواد يقول هذا زبيني

أشفق على علمٍ يجي منه من غير
لا يسمع اللي سولفوا به ونيني

يا كثرهم غيرهم ولكن خبر خير
ما غير شوفه في الوجود يهنيني

رايي كذا يا عاشقين الغنادير
ماله على وجه البسيطه وزيني

العام أجيهم من حساب المسايير
واليوم حال عداي وينه وويني

خطاي تعليق الأمل في المدابير
الين راح وشفت حقري بعيني

صبرٍ جميل وخابر إنه مقادير
والله على تخفيف حزني عويني

ذي حالتي لين اتغبا الشمس واصير
معطى سراحي عقب مانا سجيني

واذا امتلى جوف الشجر بالعصافير
طلبت من رب العباد يهديني

يعتقني المذن عقب ضيقة عصير
اللي على سجن الفراق اتحديني


...
لـ الشاعر محمد بن فطيس


 
الفيفي2017 likes this.


رد مع اقتباس
قديم 01-29-23, 07:59 PM   #2
الفيفي2017

الصورة الرمزية الفيفي2017

آخر زيارة »  اليوم (04:03 AM)
المكان »  حيث يكون للصداقه اخلاص وتقدير
الهوايه »  الرياضه والانترنت

 الأوسمة و جوائز

افتراضي



صح لسان ابن فطيس ولافض فوه
وسلمت اناملك على النقل الجميل
والله يبعد عنا جميعا كل مايجلب الضيقة


 

رد مع اقتباس
قديم 01-29-23, 10:24 PM   #3
أوتار الأمل

الصورة الرمزية أوتار الأمل

آخر زيارة »  02-29-24 (09:58 PM)

 الأوسمة و جوائز

افتراضي



:

صح بدنك الفيفي وصح لسان الشاعر
الله يسلمك وآمين يبعد عنا الضيقة
شكرا لمرورك الطيب الكريم والتقييم
يعطيك ألف عــافية ..



 
الفيفي2017 likes this.


رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



| أصدقاء منتدى مسك الغلا |


الساعة الآن 10:23 AM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا