ياغايبٍ عن مدى شوفي .
 

للحين طاريه ما قد غاب عن بالي
وللحين حبّه ضفاف القلب محتلّه

‏صحيح غايب ولكن ماني لحالي
معي قصيده وطيفه دوم ماملّه

يصب في لب قلبي يعبر خْلالي
يروي يباس الحنايا واهتني ظله

يلملم شْعور مثل الوبل همالي
وينثر تفاصيل شوقي دقّه وْجله

يطيح كثر الحطب لا من تعنّالي
لانه بوسط المحاني دايم مْحله

احب اشوفه حبيب اقرب من ظْلالي
صار البعيد اللي اظما وانتظر بلّه

"يا غايبٍ عن مدى شوفي" ترا حالي
ما بين ذكرى لياليك السهر كلّه


بسمة

الله الله

أبيات في غاية الروعة والجمال
بسمة شاعرة من الطراز الفاخر
لله درك ودر أبياتك الجزله

يختم مع الشكر

تقديري

:رحيق:

'




صح لسانها واعتلى شانها
ابيات بِ صميم
و قافية تشهد ابداعها


:رحيق:

حيرتني في قصيد يشبه .. لحالي
نوب اقول اختنا ونوب ... بنيخله
ياوي قاف تسلسل تقل . سلسالي
من معدن للذهب يستاهله ... خله
خل تغيب وغاب وصاحبه . غالي
على الوفاء ينتظر من باهي الطلة
صبرك على غيبته يا زين الاقبالي
عسى الولي يبعثه ويداوي . العلة
لولا الصبر عشقنا يالترف ما طالي
ولا انذكر عاشق ... وقلوب محتله

صح السانك بسمة ملايين ولا يسدون
صراحة بيوتك تثير الشجن وتبعث الجوى
والحنين ولا استطيع المرور عليها دون توقف
وتفاعل معها فاعذرينا لو تطفلنا على شعرك
وجاريناه بجهد المقل دمت بالوجود

توّجت ابياتي بقراءتك وثناءك
الله يعزّك ويرفع قدرك ياسُهيل
كل الشكر لك شاعرنا

صح بدنك يالغاليه
حضورك غير عادي
لك كل الشكر