زوجوني غصب واحد وحرموني حاجتين … السعادة في حياتي والحياة الرائعة. شفتها يا سعود صدفة بعد ما غابت سنين … عند قسم المختبر وسط مبنى الجامعة. جيتها ثم قلت ممكن في سؤالي تسمحين … ناظرت فيني بدهشة نظرة متواضعة. قالت انته تحسبني من بنات صايعين … تحسبني في زماني عن طريقي ضايعة. قلت أنا ما راح أطول كلها لك كلمتين … وأبعدت عني شوية ثم جتني راجعة. قالت أسال واضح أنك من رجال طيبين … بس هرجك يالسنافي كان وشو دافعه. قلت أنا حبيت وحدة يوم كنا صغيرين .. ومن ثمان سنين راحت للموصل قاطعة. عقبها ما ذقت نوم يهتنيه النايمين … ساهر في طول ليلي لين شمسي طالعة. اذكر أنه فيه حبه فوق ثغرة من يمين … واذكر أنه لاجرينا كن شعرة تابعة. واذكر أنه عاشق فالورود الياسمين … صار قلبي بالورود اللي عشقها زارعه. طابع اسمه بقلبي فيه سين وفيه عين … وفيه ألف وفيه دال وسط قلبي طابعة. قاطعتني بقولها سبحان رب العالمين … كررتها مرة ومرتين ورابعة. قلت وشفيك وشبلاك يا بنية ترجفين … ليش عينك يا بنية من كلامي دامعة. قالت الموقف وقلبي والمحبة والحنين … كيف أشوفك بعد ما كنت عنك قانعة. قلت أنا بسألك أن كنتي أنتي تذكرين … عن مواثيق ثمنها من حياتي دافعه. قالت ظروف الزمان ما تطيع العاشقين .. بيعوني غصب حبك لو ماني بايعة. أنا في دنياي حالي كنها حال السجين … حتى لو فكوا سراحه فيه شيء مانعه. زوجوني غصب واحد وحرموني حاجتين … السعادة في حياتي والحياة الرائعة. والحين أنا أم لثلاثة ريم وياسمين … والولد اسمه خالد على اسمك والمشاعر جايعة. |
تحزن القصيدة شكراً لك |
. والحين أنا أم لثلاثة ريم وياسمين والولد اسمه خالد على اسمك والمشاعر جايعة . قصيدة جميلة، ولكن أكثر ما أحزنني الزوج يُفترض أن تحترم وجوده في حياتها تسلم يمينك أخوي يوسف على النقل. شكراً. . . |
فعلاَ اين مكانة الزوج واحترامه؟ لماذا نقصتي منه فا الماضي يبقى ماضي , فجميع البشر يلهو براية الحب, ولكن العشرة العمر مع الزوج او الزوجة لها مكانة اخرى والمعاشرة بالمعروف |
قالت ظروف الزمان ما تطيع العاشقين .. بيعوني غصب حبك لو ماني بايعة. أنا في دنياي حالي كنها حال السجين … حتى لو فكوا سراحه فيه شيء مانعه. قصة عميقة حزينة اخوي يوسف :30: اعجبني إختيارك ونثر إحساسك تلامسني كثيييرا هذه القصة والقصيدة اسعدك الله وانار طريقك:30: ودي وتقييمي |
يعطيك العافية القصائد اللي من هالنوع تحسها قصة جمال الشعر بالتصوير والتشبيهات المهم كان الله بعون اللي ابتلش بقلب شخص اصبح خراباً من الحب وتجاربه |
الساعة الآن 01:44 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا