ياروح قلبي يابعد كل غالي
يامنبع الرقه وياشيخة الزين

لك منزل(ن) في خافقي دوم عالي
ياحلوة المنطق وياقرة العين

حبك ورب الكون أصبح منالي
وحبك أنا مدري بياخذني لوين..؟

جالس مع ربعي وكني لحالي
فكري معك.. وشلون أبنساك هالحين..؟

ياللي على عرش الغلا والدلالي
سبحان ربي.. كامله مابها شين

فديتها بروحي وقلبي ومالي
ياغالية أصبحت في حبك إرهين

إنتي حقيقة واقعي أو خيالي ..؟؟
إنتي خلقك الله كما الناس من طين..؟؟؟

إنتي أميره بالبهاء والجمالي
إنتي البداية وباقي الناس بعدين


يحفظك ربي ذا عظيم الجلالي
ويطيل في عمرك وانا أقول آمين

شعرٌ عظيم، ينهمرُ ببساطةٍ كأنه المطر،
بوركت أيها الشاعر
و بورك مدادك الطيب
تقبل مروري و تقديري

اهلا بك اخي اثر
شكرا لك لتواجدك
ربي يسعدك

اهلا بك بنت ابها

بارك الله فيك وشكرا لتواجدك اللي اسعدني كثير