مشكلة صوتي.......!
 

مرحبا أعضاء..

قبل ما ابدا المشكلة، اي عضو او عضوة رح بفكر اني بتعمد اكتب هالموضوع لالفت انتباه رجاء بإمكانك بكل بساطة تتجاهل موضوعي مع شكري للتفهم، وصراحة انا فكرت واترددت كتيرر لاكتب هيكي موضوع. وقلت هلاء بفكرني البعض جاي الفت انتباه. لكن يعلم ربي اني محتاارة بهالمشكلة. وهي مشكلة "صوتي"!



..................


انا قبل فترة لاحظت من شخص سألني، ليش بتحكي مع الاشخاص الغريبين عنك بنبرة صوت فيها دلع وغنج اكتر من طريقة صوتك العادي !

ومرة، كنت ادام خالي عم بعمل اتصال مع السكرتيرة ( طبعا صوتي لما بتتغير نبرته لدلع وغنج بكون مع كلا الجنسين ! )
صار يقلد صوتي خالي ويضحك ويقللي : ليش صوتك صار كأنه عمرك بنوتة صغيري ؟



المهم...

انا درست علم نفس ودرست نطق و و.. الحمدلله. من فضل ربي..

لكن عم حاول ابحث ع هالشغلة يلي اكتشفتها بنفسي.

صوتي لما بحكي مع حدا قريب متل ماما او إختي.. عادي

لكن بالشغل خااصة والزباين او لما عملت اتصال مع شركة بشكل غصبا عني بلائي صوتي صار كأنه وحدة دللوعة وبتتغنج. (( للعلم بكون جديييّة )).
لهالشي للاسف بالشغل بلاحظ البعض العاملين بياخدو أوامري ع مزح ، رغم اني مديرة... وبكون جديية معهم. (( اتخيلو وحدة غنوجة وبدها تكون جدية ؟؟ ))
* طلبت منه شغلة ..مااا رد علي. وما رد. عصبت عليه وقلت له يررووح بسرعااا يعمل هالشغلة ( بعدين سمع الكلمة ) = بعد لما عصبت ! طيب .. هيدي مشكلة ؟ وخصوصا بعض الشباب بالشغل ياخدوا أوامري ببساطة بسبب دلع صوتي. رغم والله والله بحاااول كون حاازمة مااا عم يزبط. المشكلة بيزداد دلع ؟


طيب هيدي مشكلة ..نفسية والا بيولوجية .. حدا عنده فكرة رجاء عن هالشغلة ؟
انا بتوقع بعض البنات عندها نفس مشكلتي؟


* انا حاسة بالاحراج من الموضوع. بس بشكر فعلا يلي اتفهم المشكلة.
وفكرت اكتب الموضوع ب عضوية مشكلتي، بس كان لازم اكتبه بالفصحى وحسيت رح بكون مكشوف... هي هي. ! ف كتبته بعضويتي !


.....

آهلين زهورة

شوفي الصوت طبيعي يكون رقيق لأنك أنثى

ويمكن أنتِ تحبين تكونين لطيفة ومؤدبة بزيادة مع الغرباء
ل هالسبب نبرة الصوت تتغير تلقائياً وتصير كأنك تتدلعين

حاولي تصيرين أقل لطافة وراح تتغير نبرة الصوت
واختاري كلمات تكون عادية مافيها لطافة زايدة


وترا نفس مشكلتي
ما أحد ياخذ كلامي وعصبيتي جد
بسبب نبرة الصوت
يقولون لي ما تعرفين تعصبين

لكن هذي طبيعة وصعب نغيرها وأغلب البنات كذا

اغلب النساء مع النساء خصوصًا عندما يكون بينهم
محادثه ينعمون اصواتهم ويرققونها لتكون كيوت واجمل
وهاذا طبع غالب فيهم فلستي انتي الوحيدة فقط تكلمي
كما تشائين ولا تنحرجين :81:

يا ريت مع النساء وبس.
مع الكل.
ومتل ما حكيت طبيعة عملي لما بتعامل مع الموظفين بالذات لازم ما تكون هيكي... بس كأنه out of control

هلاء عم بتخيل حالي ب جوّ الشغل مثلا. الا استخدم صوتي بهديكي النبرة الدلع والغنج.
رغم انا فعلا فعلا ما بأييدها ولا عاجبني هالشي.

ممكن استخدم هالنبرة الدلع بالبيت او مع اقربائي
لكن مااا حابة استخدما مع الغرباء والمشكلة بتصير لي غصبا عني !

لازم لاقي لها حل..
عم فكر بالممارسة او الانتباه.. بس ما عم يزبط.

لازم اعرف اسيطر ع هالشغلة..!

اهلا زهرة


سؤال صوتك مع اهلك عادي مو؟