***دردشة الاعضاء.. ملتقى المسك..***
 

مرحبا...
أعزائي..حكيت مع المدير بخصوص نعمل موضوع خاص " فيه دردشة بين الاعضاء.. اي دردشة بعيدة او خارجة عن اطار المواضيع الباقية..اهلا وسهلا فيك. "..

احكي اي دردشة بدكياها هون، وانبسطو بالحوار خارج المواضيع..
لكن بشرط:

* " احترام بعضنا بالدردشة والحكي"..
* نضيف شوية عطر بالدردشة مع بعض.. ونخليه موضوع فيه الدردشة والتسلية والملتقى والافادة.. ويحقق اهداف ايجابية ..


* لما تشعروا صار مشادة كلامية بأي موضوع، رجاء لا تزيدوها.. وحاولو تبردوا الموضوع. ورجعو الموضوع لصورته الحلوة.

* الادارة لو شافت اي اسلوب بالكلام، ما يتوافق مع نظام المنتدى يحق لها تغلقه بأي وقت. ف رجاء الانتباه نحافظ على جَمال الموضوع.. وتحقيق اهدافه بطريقة تسعدنا وتزيد تفاعلنا بشكل حلو.

وشكرا ..

بدي اسأل سؤال ل الكندي، بتعجبني اجوبته وبدي شوف رأيه .. واتشعبو بالاجابات ع كيفكم :)



* لو حدا ضايقك بالشغل.. شو ردة فعلك ؟
..يعني مثلا عنا زميلة مديرة بالشغل لسانها حادّ اسمها تايلور.. وديما بتعطينا اوامر ع الفاضي والمليان..
هديك المرة رفيئتي لئيتها بتبكي..ليش ؟ شبكي .." تايلور" كانت حادة بالكلام معها .
ومبارح كمان زميلتي كبيرة بالعمر، قالت لي لازم نشكي ع تايلور..لها نغمة كلام قاسية وما فيا احترام.

انا دريت عن تايلور لها مشكلة صحية مسكينة وعم تتعالج كل فترة بالمشفى..

تايلور كتير وجهت لي ردود فعل متلهم قاسية.

بس بالنسبة لي بتفهم وضعها وبصمت. بشكل حافظ ع كرامتي وكون محترمة ومتفهمة بالشغل.

اتخيل حدا بضايقك بالشغل واوامر وحدة كلام..شو موقفك ؟ :)

ايمتا الفطور عندكم ؟

قبل شوي صحيت من نومي..
عنا ٨ الصبح..
عم حاول اتزكر شو اسمي وبعدين جهز حالي..

سؤال تاني للكندي..
بس بعد الافطار بستنا.. الله يعينك ع اسئلتي..

" بسمع انه الشب احيانا بحب يشوف ملامح الغضب والعصبية ع البنت ليش ؟ "
وقال بتعجبه البنت يلي تعذبه = هيدي ممكن تعربها لي ازا ممكن..


ناطرتك..عفوا ناطرة اجوبتك.

سؤال خارجي.. ايمتا بدك تبعتلي الاسد يلي بتوقيعك ؟ ع العيد كويس :)

ابتدت ورد تحط مواضيع واسئلة وكمان الياسمين حتى ينافسو موضوعي ههههه.
:)