|
تاكو الدجاج السلام عليكم ورحمة الله وبركاته https://www8.0zz0.com/2023/04/09/09/282871051.jpg تاكو الدجاج ...منقول وصفة بتشهي طعم النكهات فيها غير شكل .. والوانها بتجنن والأهم من هيك الخبز بطلع معنا فيها طري . الخطوة 1️⃣ رح نحتاج لصدور دجاج مسحبة عدد٢ بنقطعهم لمكعبات صغيرة وعلى القلاية وبنغطيهم حتى تنزل المي منهم ويطبخوا منيح . الخطوة 2️⃣ بس يجهزوا بنضيف فوقهم : - نص فليفلة صفرا - نص فليفلة حمرا - نص فليفلة خضرا مقطعين لمكعبات صغيرة متل الصدور وبنحركهم منيح وبعدها بنضيف هالنكهات عليها : - معلقة صغيرة فلفل أسود - معلقة صغيرة بابريكا - معلقة صغيرة بهارات مشكلة - معلقة صغيرة كزبرة - معلقة كبيرة ماجي بودرة - رشة ملح بنحركهم منيح وبعدها بنسكب كوب من كريمة الطبخ فوقهم وبنرجع نحركهم وبنخليهم يغلوا مع بعض شوي وبنطفي تحتهم وبنتركهم ليبردوا . الخطوة 3️⃣ رح نستخدم اي غطا صغيرة موجودة عنا حجم وسط أو صحن زبادي ونشكل الدوائر فيهم بخبز التورتيلا متل الصورة .. انا استخدمت تقريبا ٦ خبزات حجم كبير وعملت هالكمية (دوائر ميني) وبعدها بنرتبهم بالصينية . الخطوة 4️⃣ بعد مابردت القلاية بنبدأ نعبي الدوائر معلقة كبيرة لكل وحدة . وبس ننهيهم بنرش عالوجه مازوريلا وعالفرن على الشواية من فوق مابتطول لتتحمر وتعطينا هاللون الحلو وعلى التقديم مباشرة .. اذا بدنا نحافظ على طراوتهم ومابدنا نقدمهم مباشرة بنخليهم بالفرن وهو مطفي بس لسا سخن وبنغطيهم بصينية أكبر . جد طعمها بشهي ومنظرها بفتح النفس بنصحكم تجربوها ..... وصحتين وألف عافية :رحيق: |
مشاء الله عاد انا نقطة ضعفي واستسلامي الأكل من سويت تحوير معده وانا احس ان الاكل مثل الاكسجين بالنسبة لي مدري ليه هذي من الالكلات المفضلة لدي وخصوص اخلي المدام تحط فلفل حار عطاء دائم الله يسعدك ويسلم يمناك على هذا الانتقاء الجميل تحيتي لك |
ماشاء الله يعطيك ألف عافية عـ الوصفة اللذيذة الشهية غاليتي / عطاء دائم سلمت يـداكِ الكريمة .. : :81: |
فعلاً شكلها حلوووو خلطة الدجاج بتفكرني بطريقة الدجاج المكسيكي مودتي لك عطاء :ورده: |
عنجد الوصفه شهيه من مكوناتها :MonTaseR_2: يسلمو ايديك الحلوين ياحلوه :MonTaseR_2: |
اقتباس:
الله يسلمك أخي ممتنة لك كرم الحضور ربي يحفظك |
| الساعة الآن 11:40 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا