انتي كنتي مزبوطه برمضان > اقري عليها ي العنقاء :icon10:

كأنك تقرين أفكاري
والله كان ف بالي نفس الموضوع
وكنت أبي أسالكم عن الخرافات وكذا
أشوف شنو الأشياء الغريبة اللي سمعتوا عنها

أنا أذكر لما كنت صغيرة
كانوا يقولون إذا شفتوا العنكبوت يعني هالشي زين
ويجيكم خير ورزق

من كم يوم شفت العنكبوت أكثر من مرة

وتذكرت هالسالفة

وجتني فلوس والله

ل هالسبب كنت أفكر أسالكم
شنو الخرافات اللي تعرفونها وصادف أنها صارت معاكم


~
أنا أتوقع تكرر معاهم أكثر من مرة وصدقوه
واعتبروا أنه حقيقة
وأي شي نصدقه ونتوقعه ممكن يصير صدق

نفس لما حد يتشائم يصير اللي توقعه
لأنه توقع الشر




حتى موضوع الرقم 11:11

يقولون فيه سر وله دخل بالملائكة ومدري شنو

مع أني ما أهتم بالأرقام
إلا إني كثير لما أشوف الساعة
يصادف أنها تكون الساعة 11:11

تكرر بشكل مو طبيعي وملفت للانتباه
ل درجة أفكر اشمعنى هالرقم !


يمكن خرافات ويمكن في أشياء ما نعرفها
الله أعلم

..

زمان كانووا يقولون اذا طنت أذنك اليسار

معناها في احد يتكلم عنك بسوء

واذا طنت اليمين في احد يمدحك :)

ومره كنت جالس بغرفتي طنت أذني اليمين

قلت اكيد في احد جالس يمدحني

الا واسمع ابوي من بعيد ينادي وين فلان الحيوا ....

( يقصدني انا ) :icon10:

حلم السمك رزق ولكن له احوال كثيرة

اما حكة اليد وغيرها هذي من علوم الأولين
تصدف احيان ولكن مايؤخذ بها بجديه

مره مريت واحد من جنسية عربية صاحبي لكنه خبل
متأثر بالابراج
كان كاشخ ع الآخر

قلت خير مو العادة .. قال اليوم بصادف شخص عزيز غايب
قلت ابشر
ولا وقفت فيه الا عند حلال خوينا .. زعل شويتين لكن ذبحناله تويس وراضيناه.. ووصلته البيت وهو مقهور يبي يعرف منهو اللي بيقابله

فيه حاجة برضو بالخشم مدري ويش يسمونها
نفس حكة اليد .. قام صاحبي مره يهرش بخشمه
قال بتجيني عزومه
وفعلا من بكره انعزم على عشا

بس ما خليها معتقد ثابت لأنه ماورد اي شي ثابت في السنه عنها

لو على حكة اليد مفهومها صدق
كان الزكاة مانلاقي من ياخذها بالدنيا هذي

وفيه نقطة ثانية حبيت اوضحها

احيان من كثر الإنسان مايسمع عن هذي الخرافات
يصدقها اذا شافها ولاشعوريا يطبقها مثل تكرمون هرجة النعال

زمان لاحكتني يدي افررح.. اقول بتجيني فلوس
انتظر مافيه غير الصرف والخساير
وكنت فعلا مهتم
صارت تحكني يدي اليسار ومافيه مدخول مافيه الا الصرف
الظاهر شغلة اليد عندي كلها صرف

بعدين بديت اصحصح

العين اذا رفرفت عندنا يقولون:
ان كنتي خير رفي
وان كنتي شر كفي

مجرد هلوسات بالنسبة لي كنت اصدقها والحمد لله بطلت هالعاده

https://youtu.be/BBTwHua-Dw0

هذا للفايدة

https://youtu.be/F8Pf2vDAuM4

طيب اشرايكم قبل ساعة حكتني يدي اليسرى
عنّدت ما حكيتها ، في النهاية ماقدرت حكيتها وبقوة
وأنا أكلّم نفسي. كلام الإخوة في مسك صحيح
الحين أنا في تركيا منو اللي بيعطيني ومن وين بيجيني رزق

تفضلوا وشوفوا من 10 دقايق. بالضبط !
مع إني رفضتها حتى لا يلتصق المعتقد بعقلي:26:
يعني حكة اليد ما انتظرت انتهاء إجازة العيد :dunno:
https://e.top4top.io/p_2669hr0nt0.png