مره من المرات في منتدي غرام قبل سنوات دخلت خاص من حيث لا اشعر مع شخصيه كنت احسب انها من كوكب اخر..
كنت اشعر انها لما تكتب يفوح متصفحها عطر وزهر ورياحين..
يعني شخصيه كلامها محدود تبدو حادة الطباع احيانا مرنة مع الاخرين في اكثر الاحيان يجيك شعور برضو انها من طبقه ارستقراطيه تصيف في باريس وسواحل اسبانيا والريف الالماني...
المهم ارسلت لي فالخاص قالت..
ممكن استفسار..
قلت امري..
وكانت بالمناسبه اخر مره اسولف معها خاص ..!
قامت تسألني و ين تحصل مغاسل مستعملة و رخيصة علشان تبي تفتح محل مغسلة ملابس ..!!
وبعدها دخلت بموضوع نقل الكفالة .. واذا اعرف احد في مكتب العمل و هل عندي سيارة للبيع ..!!
الحين تلقونها في موقع حراج تدور " مكينة فقاسة بيض"..!
عشان كذا عمركم لاتتاثرون بالكتابه والصور والالوان الزاهيه...

وبس والله

فرق بين ان تتأثر بالاطراء وبين ان تكون انسان ذوق مع اهله..!!
تماما كالفرق بين ان تقول نكته لأحد وبين ان تشرحها له لأنه " افدغ" م استوعبها..!
لذلك وفالحالتين ريح " بشد الياء" ملايكتك تجاه من اخذتهم نواياهم "شمال" وتجاه ذلك ..
" الأفدغ"..
سالف الذكر
الشاهد من اعلاه...
تبون "بردقان" كما تنطقها " حلوة اللبن" ..
امي..!!

وبس

نعود لذكريات منتدي غرام رحمه الله..
الشخصيات فيه كانت متنوعه ب اهتماماتها وشخصياتها...
زي اي منتدي لكن بشكل اكبر بحكم " كم الأعضاء" وتباين عقولهم بين الذكي والعادي والبسيط..!
لكن يبقي قسم واحد كفيل ب اظهار جزء كبير من شخصية الواحد..
قسم النقاش وما ادراك ماالنقاش...
كان " طحن" اكثر من كونه تلاقح افكار وتبادل وجهات نظر..!!
ايامه جميله بكل احواله ...
والجميع خرج منه او الاغلب خرج بذكريات حلوه تبقي فالذاكره بغض النظر عن حقت " حراج" الله يسعدها...
فيه ناس تمرني الحين وانا قاعد اكتب عن غرام اتمني يكونو بخير ...
فيه برضو المتواجدين منهم هنا بس احسهم " ع الصامت" مالهم بالكتابه زي زمان يمكن لأن التفاعل قليل ..
يعني يمكن يكونو من نوعية اللي مايعرف يسولف له ولنفسه قبل الكل..!
ايييه ياحزم الضامي...
ايام من عمري...
مرت ولاندري...
واثر الزمن يجري..
والناس مايدرون..!

وعلي طاري مايدرون..
الممثل الجميل فهد الحيان مات الله يرحمه...
كان " لطف" و" خفة ظل" و"بساطه" ...
مضي له وقت معنا والحين عند ربه نسأل الله له الرحمه والمغفره ...
وعلي طاري المشاهير..
لكن...
مشاهير " الفلس"...
رهف القحطاني " في ورطه" ...
ويبدو انها بتلحق " ابو جركل" و" منصور الرقيبه"..!

نكتفي بهذا القدر ..
الكيبورد " خلص" حبره...!

وبس

من سواليفه الأخيره...
شاغبني بسؤاله المعتاد
هل تحبني...؟!
ياااااااه ..
اكثر الاسئلة ارتيادا الى قلبي...
يحترق الكلام عنه مثل احتراق الهشيم...
ان كنت لا اكتب له ..!
لن يبتسم الحرف الا حين....
يأتي على...
طيفه ........!

قالت العرب ..
انتا فين والحب فين..؟!
فردت عليهم ست الحسن ...

آآححا يا الدلعادي

زعلانه..؟!