|
ساعدوني بليزز السلام عليكم ورحمة الله وبركاته اخواني واخواتي الغالين اريد طرح مشكلتي،، واتمنى القى لها حل هنا إن شاءلله.. انا فتاة تزوجت بعمر 19 من واحد من اقاربنا بعد شهر عرفت انه محشش ووالخ،، تطلقت منه بعد شهرين ولله الحمد، لكن لا احد يعرف انه محشش ومدمن، اذا يسألو عن السبب ما تكلم ولاهو تكلم،، المشكله مو هنا بعد الطلاق دخلت بمرحه صعبه، وخصوصاً اني كنت احبه بفترة الخطوبه،، المهم ثبتت تطبيق تيك توك،، وسويت لي حساب فيه طبعاً كنت انشر مقاطع وكذا فيه شخص كان متابعني دخل لي خاص،، اعتذرت له ماكلم شباب،، والله انه اول شاب اكلمه في حياتي كلهاااا قال كل واحد يفضفض لثاني عادي لا اعرفك ولا تعرفيني عرفت انه يحب وحده واهلم رفضو يزوجوهم ، وبايزوجوها لولد عمها صرنا نتبادل همومنا،، مرت ايام واسابيع وشهور بعد ثلاث شهور قال انه معجب فيني،، ولا اخيكم انا ايضا معجبه فيه تبادلنا حساباتنا في سناب،، وصرنا نتواصل بس لوقتها ما شاف صورتي ابد بعد اربعه شهور طلب صورتي ورسلتها قال بيجي يخطبني،، لان صرنا نحب بعض،، مرت سته شهور نتواصل،، بعدها حلمت حلم مخوف تفسيره مو حلو علمته وقلت بقطع تواصلي معك الي نسويه حرام،، واذا تبيني علمتك بنت منو انا حاول ابقا اتواصل معه ورفضت وحذفت حساباتي تيك وسناب وحذفت التطبيقات بكبرها تبت وحلفت لــربي مارجع للحرام ثاني والحين مرو 9 اشهر ماعرف عنه شي هل تزوج ولا باقي المشكله كل من خطبني رفضت،، السبب اني معقده من الزواج،، مايعرفون السبب الحقيقي وتقدم لي واحد قبل يومين وابوي يقول وافقي عليه رجال مامثله احد هل اوافق عليه،، بس خايفه يجي يوسف ويلقاني مزوجه وخايفه ارفض واجلس انتظر له ومايجي ماعرف شسوي وبرضو خايفه اتواصل معه لاني حلفت لربي هو يجوز اواصله بس بسأله اذا بيجي ولا لا محتاره كثير،، ساعدوني بليز |
اسمعي كلام أبوك إذا خذتي هذاك راح يشك فيك ويقول مثل ما كلمتني بتكلم غيري وما بيكون في ثقة حتى لو أول مرة تكلمين أصلاً 9 شهور مدة طويلة يعني ليش تنتظرين وأنتِ ما تعرفين إذا تزوج ولا لو نصيبك كان الله جابه بس خلاص راح يعني اختاري غيره وبعد لا تنسين الاستخارة إذا يناسبك هذا بيكمل معاك وإذا ما يناسبك الله بيصرفه عنك |
استخيري يابنتي وربي يكتبلك الخير يوسف طاح في البير ومعاد راجع لاتفوتين فرصتك في الزواج وتنتظرين يوسف يطلع من البير الف مبروك مقدماً كهله |
يابنتي عمرك 19 سنة واللي تمرين فيه فترة مراهقة وهذا شي طبيعي يحصل للي بعمرك ونصيحتي لك اقبلي بهذا الزوج لان ابوك ماراح يختار لك الا الطيب وقفلي صفحة يوسف واللي مثله لانه مشغول بغيرك وواضح انه لايبحث عن زواج والدليل انه كان يحب وحده غيرك واجزم انه يكذب عليك يوم قال اهلها رفضوه وانتي عقلك براسك , ماسألتيه ليش ارفضوه؟؟؟ ربي يوفقك ويسعدك يابنتي |
مالك بالطويلة انتي وكل من عنده مشكلة يبدا بصلاة الاستخارة انكان في الامر خيرة بيسره الله وان كان فيه شر بيصرفه انتهى الامر الذي فيه حيرة والمدبر في يدينه مقاليد الامور |
بخصوص الزواج ان كان هو السبب انتظار يوسف هذا اذا كان اسمه يوسف اصلا فهذا سبب غير مقنع لان اللي اسمه يوسف اختفى وزي ماقالت كهلة وقع بالبير وانا اقول يوسفك اكلة الذئب اذا ناوية تتزوجي فتزوجي ولا تنتظري :x124: |
| الساعة الآن 01:33 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا