منتديات مسك الغلا

 


Like Tree2Likes
موضوع مُغلق
 
LinkBack أدوات الموضوع انواع عرض الموضوع
قديم 05-31-23, 10:09 AM   #1
مشكلتي

الصورة الرمزية مشكلتي

آخر زيارة »  يوم أمس (07:45 AM)
يرحم امك ساعدني؟

 الأوسمة و جوائز

Icon1 صديقتي تدخل بحياتي



كيـف الحـال طيبين؟ حبيت افضفض لكم
الناس تدخل بحياتي عندي صديقه كل ماترسل لي تدخل بحياتي تسالني ليش ماتدرسي واطلبي من اختك واخوكِ مع العلم ان حالتنا الماديه كويسه لكن اخوي عنده التزاماته واختي صعب تعطيني لظروف ثانيه خاصه ربي يعلم بها ولا ابي اذل نفسي انا وصديقتي انهينا دراستنا هي كملت برا عشان تشتغل وقريب تتعين وانا ما اقدر اسافر اكمل عشان اتعين صرت اغار منها واحسدها واتنرفز من تدخلها كلما تكلمني ماعندها الا موضوع الدراسه والتعيين وزوجها واولادها وانا مازالت مارتبطت وما ابي الحرام كنت بتزوج بس اهلي رفضو لان كنت ادرس وقتها وماباقي شي على الدراسه الا فصل دراسي واحد واذكر ان صار خصام ولازال للان اهلي رفضو مو انا لو وافقو كنت تزوجت ومن يومها مافي احد تقدملي بعد و اتمنى اكمل ادرس مثلها واتعين وتمنى امووور بخاطري ماغير اندب حضي و حالي اذا اشوف صديقاتي عملو انجازات وانا لا ابي اسوي شي يغير روتيني و حياتي بس ماعندي خبرة وكيف اتعامل مع البنت هذي واقوي حالي واقود حياتي بنفسي وما اتحسس من كلام الناس اي كلمه تقلب مزاجي وتعكر يومي واي كلمه تستفزني


 


قديم 06-01-23, 06:12 AM   #2
M.ahmad

الصورة الرمزية M.ahmad

آخر زيارة »  اليوم (01:45 PM)
المكان »  في مكانٍ ما قريبٌ من السماء
الهوايه »  لا تقيدني هوايه
حمامة السلام
مقصوصة الجناح
شفها السقام
تبكي من الجراح

 الأوسمة و جوائز

افتراضي



هذي فطرتها وطبعها مستحيل تستطيعين تغيريه مهما تكلمتي أو أعترضتي
ولكن خليك ثقيله معها في الكلام
حاولي إذا سألتك سؤال أو فتحت لك موضوع لا ترغبين الكلام فيه قولي لها ( خلينا نغير الموضوع )
وبهذي الطريقه تكونين تجنبتي الأمور التي قد تحز في خاطرك


 


قديم 06-01-23, 06:20 AM   #3
شباصة منحاشة

الصورة الرمزية شباصة منحاشة
الــــجـــده

آخر زيارة »  07-26-23 (03:22 AM)
المكان »  بين رمشي والهدب
الهوايه »  رياضة الركض في الخيال

 الأوسمة و جوائز

افتراضي



وانتِ مالك شخصية ؟
ولا رأي

ولا كيان

انتِ من سمح لها
بالتدخل في حياتك


حررت جزئية من الرد من المدير




و اخجل اذا جات عيني صدفة بعينك و اصير

مربوك و حاير بامرى من فرحى ابغي اطير

و الله يا اجمل عمري فعيوني ما لك مثيل

تساوى الروح و تغلي و تكون عنها بديل

و اخجل اذا جات عيني صدفة فعينك و اصير

مربوك و حاير بامرى من فرحى ابغي اطير


 


قديم 06-01-23, 07:00 AM   #4
رَوْحٌ

الصورة الرمزية رَوْحٌ

آخر زيارة »  اليوم (12:19 PM)
سبحان الله وبحمده
سبحان الله العظيم

 الأوسمة و جوائز

افتراضي



يمكن هي قصدها تهتم مو تتدخل
يعني شايفتك مثل أختها وتهتم فيك وتفكر بمصلحتك وكذا

و أنتِ تقولين أغار منها وأحسدها
والحسد تمني زوال النعمة
لو تمنيتي الشر لغيرك كيف بتحصلين اللي تبين !

لما تشوفين النعمة عند غيرك قولي الله يزيدهم ويبارك لهم

وبعد في مثل يقول
" إذا لم يكن هناك عدو في الداخل
لن يكون هناك عدو في الخارج "

يعني الكلام اللي تقولينه لنفسك
بتسمعين الناس يقولون نفسه

أكيد أنتِ تفكرين كثير ليش ما تزوجتي
وتخافين من كلام الناس
ولما تخافين من شي بتشوفين الكل يتكلم عنه
وحتى لو ما يتكلمون وما يقصدونك
أي وحدة تتكلم عن تأخر الزواج راح تتوهمين أنها تقصدك

ترا محد يموت قبل ما ياخذ رزقه كامل
وأنتِ ما تدرين يمكن يتأخر رزقك بس يكون أحسن منهم
أهم شي لا تقارنين نفسك بغيرك ولا تفكرين كثير وتشيلين هم
عيشي كل يوم بيومه

يمكن تكونين في نعمة بس مو شايفة
و ترا الزرق مو بس زوج ووظيفة وفلوس

ركزي على الموجود و على النعم اللي عندك
واشكري ربك عليها عشان يزيدك ويرزقك أكثر

قال تعالى : ( لَئِن شَكَرْتُمْ لَأَزِيدَنَّكُمْ)


اعتبري كل شي يصير اختبار لصبرك
اصبري
واستغفري كثير
وإن شاء الله الله يرزقك كل شي تبينه


 
ahmed 22 likes this.


قديم 06-01-23, 09:18 AM   #5
جلجامش

الصورة الرمزية جلجامش
.............

آخر زيارة »  اليوم (12:41 PM)
المكان »  بجانب بيت الجيران
الهوايه »  لو عندي هواية ماشفتوني هنا

 الأوسمة و جوائز

افتراضي



الان سوق العمل مفتوح للجميع تحصلي وظيفة اكيد
اذا توظفت تستقلي ماديا وتنشغلي عن القيل والقال
وماتكوني بحاجة احد وتكوني صداقات جديدة
املي وقتك بعمل لان لفراغ مدمر


 
مواضيع : جلجامش



قديم 06-01-23, 07:46 PM   #6
أمل.

الصورة الرمزية أمل.

آخر زيارة »  03-26-24 (11:56 PM)
المكان »  في اللاشيء
الهوايه »  أمارس فضيلة التنمر

 الأوسمة و جوائز

افتراضي



عندك ضعف شخصية
وصاحبتك منافقة
وانتي وهي حسودات
غيري مافي قلبك
يغير الله حالك
ودامك تبين الزواج ليه ماعارضتي قرار اهلك
بدال اللوم والصياح
الحسد يضيع البركة


 
العنقاء likes this.


موضوع مُغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



| أصدقاء منتدى مسك الغلا |


الساعة الآن 01:45 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا