|
الحب شايب والفراق ابنه العاق .. الحب شايب والفراق ابنه العاق والوصل غايه والقصايد وسيله مير القصيد ليا لقا الهم منساق للصدر خفف منه لو ما يزيله اثر المفارق له علاقه بالاخلاق يقصر طويلة صدر راعي الطويله ما فيه ادج من الهواوي ليا ضاق من ضيقته حتى البزر يشتكي له ياللي غضبت وكانت حلولك فراق الغيض ولعه والمجادل فتيله ابليس للفتنه وللشر سبّاق يشبها بين الخليل وخليله العين ما يغدي بها كل برّاق والاذن ما كل الحكي ترتخيله راعي الكلام يزود الطاق بالطاق يحكي بشخص وياصله ويحكي له لو شفت وش قيمة غرامك بالاعماق ما طعت لو لاموك فيني قبيله وشلون صوتك ناعم وعودك دقاق والوجه يا حلوه ويا حبني له!! وحملت في قلبك حمولٍ ما تنطاق وشلون عافرت الحمول الثقيله وانا احسبنك طيب وقلبك رقاق يا مدرس فنون القساوة لجيله طال الغروب ولا اشرقت شمس الاشراق واقفت ركاب الرجعه المستحيله رح والشقا على الهواجس والاوراق ياللي عقب فرقاه شوقه بديله اشتاق وادري مانت راجع لو اشتاق مير العوض بالذكريات الجميله للشاعر سلطان بن بتلاء |
. العين ما يغدي بها كل برّاق والاذن ما كل الحكي ترتخيله . الله الله أبيات جميلة جداً صح السان شاعرها ، وسلمت يمناك ع النقل .. ودي لكِ. :81: |
اقتباس:
الراقي غاليتي / خفوق الروح شكراً لمرورك الكريم .. لـ روحك جنائن الورد : :81: |
! ذائقه فخمه تنبأك بأن هذا المعرف ملم بالذائقه الشعريه وماكل شاعر يليق بتلك الذائقه ابدعتي بحسن النقل وصح لسان شاعرها |
اقتباس:
مختلف ولحرفك ومداخلتك عطر مميز / الرائع / طاغي النظرة : أهلا بك أزفها مع طيور النورس أتابع قلمك بشغف وفقك الرحمن وحفظك أخِ دومــاً ومتعك بصحة تدوم وتدوم .. : :81: |
صح الله لسان الشاعر سلم ذوقك العذب اختي اوتار تحيتي واحترامي |
| الساعة الآن 04:51 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا