أختي ترا الرجال اللي يطلق خلال 5 شهور يعتبر متهور وقليل الصبر.

إذا تزوجتيه يمكن بكره يقول أنا تزوجت وحده أكبر مني وغلطت ويجي يطلق.

أما إذا الرجال من أقاربكم فهذا خير وبركه وإذا كان من الذين ترضون دينهم وخلقهم فهذا فضل كبير .

أنا ما أعرف دور أهلك في الموضوع لأن أم الرجال تتقرب لك بشكل ملفت ويمكن إنتِ لما حبيتي الرجال من سوالف أمه ظنيتي إنه يحبك .

إذا الرجال يعجبكم وقد وصلتوا لهالمواصيل فإنتي حاولي تلمحي لأمه تحاول ترجع الزوج لطليقته أو تعرفي السبب .

طبعا من كلامها راح تحسي إذا الأم حاطه عينها عليكِ لإبنها .

الخطوة التالية : قوليِِ لها شيء يحسسك إنك تمشي معها على نفس الدرب مثل . أم فلان طيبة وتحب الخير وأكيد عيالها على خلق ودين ربي يسعدكم ويوفق ولدك وألف بنت تتمناهم .

هنا عاد إذا ما مسكت الحبل وخبرت ولدها يخطب أنا انصحك نصيحة أخ

اجفلي مثل الغزال الشارد ولا عاد تعطيها مجال تسولف عن ولدها .

(الغزال شارد ما يمديك تشوفه وإذا كان متعود على وجودك وفجأه شرد فالعيب منك أنت اللي خوفته وراح يروح لغيرك )
بهذا عداكِ العيب و اللي ما دق باب بيتكم لا تفتحي له الدريشه . وصلت الفكرة ؟

الله يسعدك