تجارب ..
 

أجمل أحداث الحياة اللي تجيك ابلا سبايب
يمتلي قلبك فرح مكسب يجيك بلا خساره


تنتزع من فرحة الأيام أفراحك غصايب
بين طرفة عين تسعد في الحياة بلا مرارة


السعادة ما تجي للي مزاجه مو بطايب
طيب أيامك رضا لو كان في الداخل شرارة


طيب القلب بحياته ما يوقف للمصايب
بالتسامح تمضي أيامه على نهج اختياره


عزتي والله للي عادته دفع الضرايب
أي لحظة حزن عابر هي كفيلة بانكساره


من كثر عثرات وقته وانهزامه صار شايب
ما درى إن السعادة فعل يحتاج لقراره


الزمن هذا فتح بابه على كل الغرايب
والسعاده فيه للي قادر يروِّض مساره


ليه تندب حظك وتبكي من أوقات العجايب
إن تغير وقتك ارفع له شعارك مَعْ شعاره


وإن هجم وقتك عليك بكل أنواع الصعايب
خذ أمورك بالرضا تارة وبالقوات تارة


وِدَّنا بالسِّلم نَحيا وحولنا كل الحبايب
لكن السلم الحقيقي ما يعيش ابلا جسارة


ذي تجارب عشتها في سلم وأكثرها حرايب
وصغتها للي يبيها شعر وأتقنت العبارة




سُهيل

وإن هجم وقتك عليك بكل أنواع الصعايب
خذ أمورك بالرضا تارة وبالقوات تارة


صح لسانك اخي الغالي

كلك ذوق ربي يسعدك

تحياتي الطفشان

اي بالله انك أتقنت العباره

من خلال حرفك تبين لي
انت شاعر حنكته السنين
وقارعته المواقف وصارعته
فقارعها وصارعها وتغلب عليها بجساره

الشاعر القدير سهيل
نفسي والله تطيعني الابجديه بمجاراتك بشي قصيده
بس رحم الله امرئ عرف قدر نفسه
صح لسانك مليون

لا والله ملايين وملايين

ودي واحترامي

الله الله

سهيل

قصيدة من اجمل ماقرأت ايه والله

ابدعت جدا

فبوركت وبورك حرفك الاخاذ

يختم ل3 ايام مع التقييم

؛

شاعرنا سُهيل

أبدعت


شعر وارف الظلال

يبسر بالخصب بعد الجدب


دمتَ روعات متتالِية من الإبداع



؛

الله الله شاعرنا الفذ سهيل

دوم يطربنا حرفك

المترف الجميل

ويدغدغ

مشاعرنا.

واحاسيسنا

بترانيمه

الراقيه

تحيه بحجم

الكون