09-23-23, 04:12 AM
| #1 | |||||||||
 
| 
مسرحية ظن
: ابشرح هذي الليله سوالف مسرحية ظن تدور بخاطري لكن لها ناس ولها جمهور يقولون البشر تعشق انا اعشق ايه لكن من من الي يسرق عيوني وياخذ من يديني نور يقول ودمعته تذرف طلبتك في حروفك غن اقول ابشر بغني لك مواويلي بكل اشعور : : عشان أكتب لك ألحاني نزف حبر القلم من فيه بصفحه مالها سطرٍ تحابس جوفها الأنفاس تحلّق جوفه الحره بمعنى ينعزف طاريه على نغمة نواقيس الفرايد تقرع الأجراس اواسيها وانا قلبي جريح من الزمن مدميه عميق الجرح مايرضى يحوفه ملمس اللماس أواسيها وانا الي مابديته ماقدرت انهيه أنا فوق البحر راسي لوني فالبحر غطاس قبل ترحل بك احروف المعاني في شعيب التيه قبل لاتنطق الكلمه ويسري جوفك الوسواس تنبّه لليقين الي عن اعيون البشر تنفيه تلفّه وسط جلبابك واشوفه في وجيه الناس تكابر عن محبك ليش ياظالم بعد تغليه تبيع الجوهره وشلون يا مجحف بعقد نحاس أنا ماكنت اظن الوقت حبك داخلي يمحيه إلين اسقتني اكفوفك ملامه في مرار الكاس أنا كنت أحسبك بيت المواصل بالوفا تبنيه إلين إنهد بنيانٍ بنيته لك لعمق الساس أحبك ليش تطعنّي بسكين الهجر ياهيه وتنحر قلبي الدامي وينزف لك على قرطاس أحبك ليش فانوس الأماني في يدك تطفيه وتنهي رحلة الفاني ويطفي جوفه الاحساس أحبك مير لو حبك يموت بداخلي ما ارثيه ولو ضلعي من اللوعه بعد فقدك حطبه الفاس أنا ما اخضع لمن باع الوفا بالتاليه واشريه إذا انه ماعرف قدري تركته في طريق الياس تركته والمدى واسع وعزمي بالسفر بطويه مع الدنيا مشاويري بعيده تتعب العساس اسافر مع هبوب الريح وانسى حبه وماضيه ولا اظن النهار الي مشيته من وراه ادماس أغني للأمل مغنى وجرحي فالزمان اخفيه اذا حان المسا عندي مع انجوم السما نبراس اصور للنقا صوره اذا مات الامل تحييه ابروزها بصدري لين تنفي حيرة الجلاس تصاويري مثل وجه القمر ماتقبل التشويه يدربلها عزيزٍ يعرف الفارق ليا من قاس أنا العزه مكاني والحجر في حلق من يرميه أدافع عن يقيني ما حسبت لهرجة البلاس انا في هذي الدنيا غريّيب يا صغير السن تدافعني هبوب الريح واقطع ظلمة الديجور ارد بخاطري كلمه ليامنه نقوسي دن أميزها قبل تبدي ولاعمري نقزت السور مواسي. : : | |||||||||
 |
| مواقع النشر (المفضلة) |
| |
 | أصدقاء منتدى مسك الغلا | | |||||
27Likes
