((قلبي تعلق والقدر صار مقسوم))
 

وش يمنعك ترسم على القاف مرسوم
وش نوع قافك واللحن ... والطواريق
قلي وانا ارسم صورتك قاف . مختوم
يرسم جمالك يا بياض ....... الغرانيق
محكوم انا في حبكم غصب . محكوم
حكم القدر يا راقي الذوق ..... والريق
قلبي تعلق والقدر صار ........ مقسوم
ياللي غلاكم في عروق ....... المعاليق
وان قلت ما لك عندنا عشق ... معلوم
والله ما طيق القول يا بنت .. ماطيق
ما تدري اني من حلا النوم ... محروم
والا انت ترقد ساير الليل ...... وتفيق
مر ي وشوفي حالة القلب .... مكلوم
جرح الهوى عذب كثير .... العشاشيق
والله لو اعلم مطلبك .... لارفع السوم
لو يتساوى مطلبك ........ والشواهيق
واصوغ من القيفان ما يحرج .. القوم
لو وقفوني واحظروني ...... المخاليق
اللي جرى يا بنت قدرة ..... ومحتوم
هذا نصيبي يا جميل .... ..... النماريق

القارظ العنزي

الله الله
الله يكون بعون كل الي العاشقين
صح لسانك
هي من اجمل قصائد القارظ العنزي
وأكثرها دفئ واعمقها معنى
لي عوده تليق بهذه الدره

عودا حميدا ان شاء الله
يالغالية احلام عابرة
وصحة ايامك ولياليك
باليمن والخير والمسرات

روضة من الشعر
احتَرتُ أيّها بيت القصيد
أمطرتَ فتنة
القارظ العنزي..
حين تكتب شعراً تمنحنا لذّة منح الأشياء أبعادها الحقيقية ..
دام لك هذا الحيّز من الإحساس الشعري ...
ود ورد:ah11:
ختم + تقييم :81:

أخي الكريم الغالي القارظ العنزي ابو فيصل صح لسانك وسلمت يداك الوضاءة وقلبك الطاهر يحفظك ربي.
ومن الحب ماقتل
وقد قيل( الحب بلا والعشق سم قاتل ).
أخوك / حمدفهد

عدنا لمشاكسة شاعرنا
سلطان القوافي
القارظ العنزي
والا أن شاءالله مفكرني رح مررها بدون مشاكسه
بصراحه هي تستحق
استلم خي

رسمت قلب ن بامواج الغلا ... يعوم
رسمت حلم يغفى بالجفن ... ويفيق

ورسمت سراب حرم عيوني ... النوم
مابين خيال وصل ولوعة ... التفريق

وكتبت قصة معاناة قلب ... محروم
وخل ن غلاه طوق الروح ... تطويق

مرحوم ياقلب ظناه الوجد.. مرحوم
وجد ن تسلل ثم برح. ..... بالمعاليق

متى ياقلبي تسلم لامر........محكوم
ومتى تصحى من حزة الشوق وتفيق

وليــامتــى وانـُت تـفـُز .......وتــقـوم
كل ماتردد طاريه بين ........المخاليق

وسلامتكم

ودي واحترامي