انه صاحبه مشكله اكمل معاهم او اتركهم حبيت اشكر الكل على المساعدة والردود
بس حابه انوه على شغله اذا ممكن اذا سحبت احد وقنعته يدش شات سواء رومنا وثبتته فيه او راح لروم ثاني ومثال استمر بالشات سنوات اكون لي اثم وانا المذنبه صحيح؟ مو شغله فتوى بس اريد الاراء
ملاحظه بخصوص ماسترنا هو لما اعترف بذيك الشغلات مو بالعام بالخاص واحداث صارت في السابق هو انسان محترم بس شوي بعض السلوكيات منه ومن غيره ماحبها حتى مثلا بعض الالفاظ والسب حتى مرات من العصبيه يقول الفاظ كفريه واذا اخذ موقف من احد معه حق بس مرات يتكلم من وراهم وامامهم يتكلم بشكل اخر واي احد يضره على طول يروح رومه ويسبه انا ولا عمري فتحت كام بس اصعد مايك واحيانا ينفتنون بصوتي هم علي اثم؟؟ مو شغله فتوى بس اريد الاراء لان نحر مانقدر نفتي
انا اريد اتركهم واترك هالعالم بس الماستر صاحب روم يعزني حيل ويقدر تواجدي وتفاعلي بالروم ويقول لي الروم بكفه وانتي بكفه ويقول لغيري بعد و خايفه بسبب راح اطلع خاينه وما اقدر العشره والصداقه والاخوه وانا اعرف راح ينسوني اصلا بس كل مايجي يوم احس خروجي من الروم صعب لانهم يقدروني ويحبوني
وفي مره الماستر قال حبيبته خانته واخذها صاحبه قال هو هي رخيصه وهو اخذ فضالتي وهو هم رخيص انا فكرت بكلامه قلت الشباب يشوفو البنات بهذي النظره الرخيصه ومايحترمو وحده تقيم وياهم علاقه او انا غلطانه؟؟؟
وبعد اذا ممكن اريدكم تنصحوني حتى تهاوشوني وتكرهوني بالشات وسوالف الشات
واعذروني طولت بالكتابه..